കോഴിക്കോട്: കോവിഡ് മുക്തനായ മുഖ്യമന്ത്രി പിണറായി വിജയന് ആശുപത്രി വിട്ടു. ഒരാഴ്ച വീട്ടില് നിരീക്ഷണത്തില് തുടരുമെന്ന് ഡോക്ടര്മാര് അറിയിച്ചു. കോവിഡ് സ്ഥിരീകരിച്ചതിനെ തുടര്ന്ന് കഴിഞ്ഞ എട്ടാം തീയതിയാണ് കോഴിക്കോട്ട് മെഡിക്കല് കോളജില് അദ്ദേഹത്തെ പ്രവേശിപ്പിച്ചത്. കാര്യമായ രോഗലക്ഷണങ്ങള് മുഖ്യമന്ത്രിക്കുണ്ടായിരുന്നില്ല. ഇന്ന് ഉച്ചയ്ക്കുശേഷം മൂന്നു മണിയോടെയാണ് മുഖ്യമന്ത്രി ആശുപത്രി വിട്ടത്.
മുഖ്യമന്ത്രിക്കു മറ്റ് ആരോഗ്യപ്രശ്നങ്ങളില്ലെന്നും പൂര്ണ ആരോഗ്യവാനാണെന്നും മെഡിക്കല് കോളജ് അധികൃതര് വ്യക്തമാക്കി. കണ്ണൂരിലെ വീട്ടില് ഒരാഴ്ചകൂടി സ്വയം നിരീക്ഷണത്തില് കഴിഞ്ഞശേഷം അദ്ദേഹം പൊതുരംഗത്ത് വീണ്ടും സജീവമാകും. നിയമസഭാ വോട്ടെടുപ്പ് ദിവസം മുഖ്യമന്ത്രിയുടെ മകള് വീണയും ഭര്ത്താവ് മുഹമ്മദ് റിയാസും കോവിഡ് പോസിറ്റീവ് ആയിരുന്നു. തുടര്ന്ന് നടത്തിയ പരിശോധനയിലാണ് മുഖ്യമന്ത്രിക്കും രോഗം സ്ഥിരീകരിച്ചത്.
