ചെന്നൈ: നിലവിലെ ചാമ്പ്യന്മാരായ മുംബൈ ഇന്ത്യന്സ് ഐപിഎല് പതിനാലാം പതിപ്പില് ആദ്യ വിജയം ലക്ഷ്യമിട്ട് ഇറങ്ങുന്നു. മുന് ചാമ്പ്യന്മാരായ കൊല്ക്കത്ത നൈറ്റ് റൈഡേഴ്സാണ് എതിരാളികള്. രാത്രി 7.30 ന് കളി തുടങ്ങും. സ്റ്റാര് സ്പോര്ട്സില് തത്സമയം കാണാം.
ഉദ്ഘാടന മത്സരത്തില് റോയല് ചലഞ്ചേഴ്സ് ബെംഗളൂരുവിനോട് തോറ്റ മുംബൈ ഇന്ത്യന്സ് ഇന്ന് വിജയം പിടിക്കാനുള്ള തയ്യാറെടുപ്പിലാണ്. അതേസമയം തുടര്ച്ചയായ രണ്ടാം വിജയം ലക്ഷ്യമിട്ടാണ് കൊല്ക്കത്ത നൈ്റ്റ് റൈഡേഴ്സ് ഇറങ്ങുന്നത്. ആദ്യ മത്സരത്തില് അവര് പത്ത് റണ്സിന് സണ്റൈസേഴ്സ് ഹൈദരാബാദിനെ തോല്പ്പിച്ചു.
കഴിഞ്ഞ രണ്ട് വര്ഷങ്ങളില് പ്ലേ ഓഫില് കടക്കാന് കഴിയാതെ പോയ കൊല്ക്കത്ത ഈ സീസണിലെ ആദ്യ മത്സരത്തില് സണ്റൈസേഴ്സിനെതിരെ തകര്പ്പന് പ്രകടമാണ് കാഴ്ചവച്ചത്. മുംബൈ ഇന്ത്യന്സിനെതിരെയും മികവ് നിലനിര്ത്താമെന്ന പ്രതീക്ഷയിലാണ് ഇയോന് മോള്ഗന്റെ കൊല്ക്കത്ത നൈ്റ്റ് റൈഡേഴ്സ്.
ക്യാപ്റ്റന് രോഹിത് ശര്മയാണ് മുംബൈ ഇന്ത്യന്സിന്റെ ശക്തികേന്ദ്രം. ഉദ്ഘാടന മത്സരത്തില് അവസാന പന്ത് വരെ നീണ്ട പോരാട്ടത്തില് രണ്ട് വിക്കറ്റിനാണ് മുംബൈ ഇന്ത്യന്സ് കോഹ്ലിയുടെ റോയല് ചലഞ്ചേഴ്സിനോട് തോറ്റത്.
ജന്മഭൂമി ഓണ്ലൈന്