കഴക്കൂട്ടം: ശബരിമലയില്‍ പൊലീസിനെ വിട്ട് കാട്ടിയ പേക്കൂത്തുകള്‍ മറയ്‌ക്കാനും ഹിന്ദുവോട്ടുകള്‍ തേടാനും താന്‍ നടത്തിയ മതപ്രീണനങ്ങള്‍ നോട്ടീസിലാക്കി ദേവസ്വം മന്ത്രി കടകംപള്ളി സുരേന്ദ്രന്‍.
ഇത് സുരേന്ദ്രന്റെ പൂഴിക്കടകനാണെന്നായിരുന്നു ഇതിനോടുള്ള ശോഭാ സുരേന്ദ്രന്റെ പ്രതികരണം. തന്റെ മണ്ഡലത്തില്‍ ക്ഷേത്രങ്ങള്‍ക്കും പള്ളികള്‍ക്കും വേണ്ടി ചെലവഴിച്ച തുക കാണിച്ചുകൊണ്ടുള്ള പരസ്യമായ മതപ്രീണന നോട്ടീസായിരുന്നു കടകംപള്ളി തിങ്കളാഴ്ച പുറത്തിറക്കിയത്. ശബരിമലയില്‍ പൊലീസിനെ വിട്ട മന്ത്രി തന്നെ തന്റെ കമ്മ്യൂണിസ്റ്റ് സിദ്ധാന്തങ്ങളെക്കൂടി കാറ്റില്‍ പറത്തി നടത്തിയ മതപ്രീണന ശ്രമത്തിനെതിരെ വ്യാപകമായ പ്രതിഷേധം ഉയരുന്നുണ്ട്.
മന്ത്രി തന്റെ കള്ളങ്ങള്‍ മറയക്കാന്‍ ശ്രമിക്കുകയാണ്. ഇത് സുരേന്ദ്രന്‍ പുറത്തിറക്കുന്ന ഒടുവിലത്തെ പൂഴിക്കടകനാണെന്നും ശോഭാ സുരേന്ദ്രന്‍ പറഞ്ഞു. ശബരിമല വിഷയം വ്യാപകമായ തോതില്‍ മണ്ഡലത്തില്‍ ചര്‍ച്ച ചെയ്യപ്പെടുകയാണ്. ഒന്നും മനപൂര്‍വ്വമല്ലെന്ന ഒരു കുറ്റസമ്മതം നടത്തിയായിരുന്നു സുരേന്ദ്രന്‍ കാമ്പയില്‍ തുടങ്ങിയതെങ്കിലും സിപിഎം കടകംപള്ളിയെ ശക്തമായി വിമര്‍ശിച്ചിരുന്നു. ഇതോടെ ഈ വിഷയത്തില്‍ വെട്ടിലായ കടകംപള്ളി അവസാനനിമിഷം നടത്തിയ മതപ്രീണനശ്രമവും പാളി.
