ന്യൂദല്ഹി: ഇതുവരെ ഭാരതത്തില് ഏഴരക്കോടി പേര്ക്ക് കോവിഡ് 19 വാക്സിന് നല്കിയതായി കേന്ദ്ര ആരോഗ്യ-കുടുംബക്ഷേമ വകുപ്പ്. 45ന് മുകളിലുള്ളവര്ക്ക് കൂടി വാക്സിന് നല്കിത്തുടങ്ങിയതോടെ കൂടുതല് പേര് ഈ പട്ടികയില് ഇടംപിടിച്ചുകൊണ്ടിരിക്കുകയാണ്.
ഇക്കഴിഞ്ഞ 24 മണിക്കൂറിനുള്ളില് 27 ലക്ഷം പേര് രാജ്യത്ത് കോവിഡ് വാക്സിന് എടുത്തു. ‘ഞായറാഴ്ച രാവിലെ ഏഴ് മണി വരെയുള്ള കണക്കനുസരിച്ച് ഇതുവരെ 7,59,79,651 പേര്ക്ക് കോവിഡ് വാക്സിന് നല്കി,’ കേന്ദ്ര ആരോഗ്യമന്ത്രാലയം അറിയിച്ചു.
‘ഇതില് 89,82,974 ആരോഗ്യ പ്രവര്ത്തകര് (ആദ്യ ഡോസ് ലഭിച്ചവര്), 53,19,641 ആരോഗ്യപ്രവര്ത്തകര് (രണ്ടാം ഡോസ് കൂടി ലഭിച്ചവര്), 96,86,477 മുന്നിരപ്രവര്ത്തകര് (ആദ്യ ഡോസ് നേടിയവര്), 40,97,510 മുന്നിരപ്രവര്ത്തകര് (രണ്ടാം ഡോസ് കൂടി നേടിയവര്), 45 വയസ്സിന് മുകളിലുള്ള 4,70,70, 019 പേര് (ആദ്യ ഡോസ്), 8,23,030 (രണ്ടാം ഡോസ്) എന്നിവര് ഉള്പ്പെടുന്നു,’ കേന്ദ്ര ആരോഗ്യമന്ത്രാലയം പത്രക്കുറിപ്പില് പറയുന്നു.
