ന്യൂദല്ഹി : കൊറോണ വൈറസ് പ്രതിരോധത്തിന്റെ ഭാഗമായി രാജ്യത്ത് ഇതുവരെ വിതരണം ചെയ്തത് 7.3 കോടിയിലധികം വാക്സിനുകള്. ഇന്ന് രാവിലെ ഏഴുവരെയുള്ള പ്രാഥമിക വിവരം അനുസരിച്ച് 11,53,614 സെഷനുകളിലൂടെ 7,30,54,295 വാക്സിന് ഡോസുകള് നല്കിയിട്ടുണ്ട്. കകോവിഡിനെതിരെയുള്ള പോരാട്ടത്തില് സുപ്രധാന നേട്ടമാണ് ഇന്ത്യ കൈവരിച്ചിരിക്കുന്നതെന്നും വിവിധ സംസ്ഥാനങ്ങളിലേയും കേന്ദ്ര ഭരണ പ്രദേശങ്ങളിലേയും സ്ഥിതിഗതികള് വിലയിരുത്തിയശേഷം കേന്ദ്ര ക്യാബിനറ്റ് സെക്രട്ടറി അഭിപ്രായപ്പെട്ടു.
89,32,642 എച്ച്സിഡബ്ല്യുമാര് (ഒന്നാം ഡോസ്), 52,96,666 എച്ച്സിഡബ്ല്യുമാര് (രണ്ടാം ഡോസ്), 95,71,610 എഫ്എല്ഡബ്ല്യുമാര് (ഒന്നാം ഡോസ്), 39,92,094 എഫ്എല്ഡബ്ല്യുമാര് (രണ്ടാം ഡോസ്), 45 വയസിനു മുകളില് പ്രായമുള്ള 4,45,77,337 ഗുണഭോക്താക്കള് (ഒന്നാം ഡോസ്), 6,83,946 ഗുണഭോക്താക്കള് (രണ്ടാം ഡോസ്) എന്നിങ്ങനെയാണ് വാക്സിന് വിതരണം.
ആകെ നല്കിയ വാക്സിനുകളുടെ എണ്ണത്തില് ആറ് കോടിയിലധികം (6,30,81,589) ആദ്യ ഡോസുകളാണ്. രണ്ടാം ഡോസും ഒരു കോടിയോട് (99,72,706) അടുക്കുകയാണ്.വാക്സിനേഷന് ഡ്രൈവിന്റെ 77-ാം ദിവസം (2021 ഏപ്രില് 2) വരെ 30,93,795 വാക്സിന് ഡോസുകള് നല്കി.35,624 സെഷനുകളിലായി 28,87,779 ഗുണഭോക്താക്കള്ക്കാണ് ആദ്യ ഡോസ് വാക്സിന് നല്കിയത്. 2,06,016 ഗുണഭോക്താക്കള്ക്ക് രണ്ടാം ഡോസ് വാക്സിന് ലഭിച്ചു.
അതേസമയംഎട്ട് സംസ്ഥാനങ്ങളിലും കേന്ദ്രഭരണപ്രദേശങ്ങളിലും പ്രതിദിന രോഗബാധിതരുടെ എണ്ണം വര്ധിക്കുന്നത് ആശങ്ക ഉയര്ത്തുന്നുണ്ട്. മഹാരാഷ്ട്ര, കര്ണ്ണാടക, ഛത്തീസ്ഗഢ്, ദല്ഹി, പഞ്ചാബ്, തമിഴ്നാട്, ഉത്തര്പ്രദേശ്, മധ്യപ്രദേശ്, എന്നീ എട്ട് സംസ്ഥാനങ്ങളില് പുതിയ പ്രതിദിന രോഗബാധിതരുടെ എണ്ണത്തില് വര്ധനയുണ്ടായിട്ടുണ്ട്. കഴിഞ്ഞ 24 മണിക്കൂറിനുള്ളില് രജിസ്റ്റര് ചെയ്ത 89,129 പുതിയ കേസുകളില് 81.42% ഈ സംസ്ഥാനങ്ങളില് നിന്നാണ്.മഹാരാഷ്ട്രയിലാണ് പ്രതിദിന രോഗബാധതിരുടെ എണ്ണം കൂടുതല് (47,913). കര്ണാടകത്തില് 4,991 ഉം ഛത്തീസ്ഗഢില് 4,174 ഉം പുതിയ കേസുകള് റിപ്പോര്ട്ട് ചെയ്തു.
ഇന്ത്യയില് ഇതുവരെ 1,15,69,241 പേരാണ് കോവി് മുക്തി നേടിയത്. ദേശീയ രോഗമുക്തി നിരക്ക് 93.36%. കഴിഞ്ഞ 24 മണിക്കൂറിനിടെ 44,202 പേര് രോഗമുക്തരായി. കഴിഞ്ഞ 24 മണിക്കൂറിനുള്ളില് 714 മരണങ്ങള് റിപ്പോര്ട്ട് ചെയ്തു. ഏറ്റവും കൂടുതല് മരണം മഹാരാഷ്ട്രയിലാണ് (481). 57 പ്രതിദിന മരണവുമായി പഞ്ചാബ് തൊട്ടുപുറകിലുണ്ട്. കഴിഞ്ഞ 24 മണിക്കൂറിനുള്ളില് 13 സംസ്ഥാനങ്ങളില്/കേന്ദ്രഭരണപ്രദേശങ്ങളില് കോവിഡ് 19 മരണങ്ങളൊന്നും റിപ്പോര്ട്ട് ചെയ്തിട്ടില്ല. ഒഡിഷ, അസം, ലഡാക്ക് (യുടി), ഡിആന്ഡ്ഡി, ഡി ആന്ഡ് എന്, നാഗാലാന്ഡ്, മേഘാലയ, മണിപ്പുര്, ത്രിപുര, സിക്കിം, ലക്ഷദ്വീപ്, മിസോറം, എആന്ഡ്എന് ദ്വീപുകള്, അരുണാചല് പ്രദേശ് എന്നിവയാണ് ഇവ.
