ഇരിങ്ങാലക്കുട: ആന്റി കറപ്ഷന് ഇന്ഡക്സിന്റെ പുതിയ പതിപ്പ് ഈ വര്ഷം അവതരിപ്പിക്കുമെന്ന് വ്യക്തമാക്കി ഇരിങ്ങാലക്കുട നിയോജക മണ്ഡലം എന്ഡിഎ സ്ഥാനാര്ത്ഥി മുന് ഡിജിപി ഡോ.ജേക്കബ് തോമസ്. പുതിയ കേരള ആന്റി കറപ്ഷന് ഇന്ഡക്സില് കൂടുതല് കൃത്യതയും സമഗ്രമായ വിലയിരുത്തലുകളും യഥാര്ത്ഥ്യമാക്കും. ഇതിനായി 100 ഓളം വിദദ്ധരുടെ നേതൃത്വത്തില് പ്രാരംഭ നടപടികള് തുടങ്ങിയതായും അദേഹം വ്യക്തമാക്കി.
സര്വ്വീസിലിരിക്കെ വളരെ അധികം വാര്ത്താ പ്രാധാന്യം നേടിയ സംഭവമായിരുന്നു ഡോ. ജേക്കബ് തോമസിന്റെ ആന്റി കറപ്ഷന് ഇന്ഡക്സ്. വിവിധ സര്ക്കാര് വകുപ്പുകളിലെ അഴിമതിയുടെ തോത് ശാസ്ത്രീയമായി പരിശോധിക്കുന്ന, കേരള ആന്റി കറപ്ഷന് ഇന്ഡക്സില് 2017 ല് ഒന്നാം സ്ഥാനത്തെത്തിയത് തദ്ദേശ സ്വയം ഭരണ വകുപ്പായിരുന്നു. തൊട്ടുപിന്നില് റവന്യൂ വകുപ്പുമായിരുന്നു.
അന്നത്തെ തദ്ദേശസ്വയംഭരണ വകുപ്പ് മന്ത്രി കെ.ടി. ജലീലിനെ കാര്യങ്ങള് ബോധ്യപ്പെടുത്തിയപ്പോള്, പരിഹാര മാര്ഗ്ഗങ്ങള് നിര്ദേശിക്കാന് അദ്ദേഹം ആവശ്യപ്പെട്ടിരുന്നു. ശാസ്ത്രീയപഠനങ്ങളുടെ അടിസ്ഥാനത്തില് സമര്പ്പിച്ച 26 നിര്ദ്ദേശങ്ങളില് ഒന്നു പോലും നടപ്പാക്കാന് അദേഹം തയ്യാറായില്ലെന്ന് ജേക്കബ് തോമസ് കുറ്റപ്പെടുത്തി. പഴയതിനെ അപേക്ഷിച്ച് കൂടുതല് രംഗങ്ങളിലേക്ക് വ്യാപിച്ച അഴിമതിയുടെ തോത് വിശകലന വിധേയമാക്കുമെന്നും അദേഹം പറഞ്ഞു. ഇരിങ്ങാലക്കുടയിലെ പ്രഗല്ഭരായ പ്രൊഫഷണലുകളുമായി തന്റെ വികസന കാഴ്ചപ്പാടുകള് പങ്കു വെക്കുന്ന പരിപാടിയില് സംസാരിക്കുകയായരുന്നു അദേഹം.
