അനാവരണം ചെയ്യുന്ന ഹോളി കൗ (വിശുദ്ധ പശു) മാര്ച്ച് 5 ന് റിലീസ് ചെയ്യും പ്രശസ്ത ചലച്ചിത്ര പ്രവര്ത്തകയും സോഷ്യല് ആക്റ്റിവിസ്റ്റുമായ സംവിധായിക ഡോ.ജാനറ്റ് ജെ കഥയും തിരക്കഥയുമൊരുക്കി സംവിധാനം ചെയ്യുന്ന ഹ്രസ്വചിത്രമാണ് ‘ഹോളി കൗ.’ ദൈവിക് പ്രൊഡക്ഷന്സിന്റെ ബാനറില് ഡോ. ബിജു കെ. ആര് ആണ് ഹോളി കൗവിന്റെ നിര്മാണം. പ്രമേയത്തിലെ പുതുമയും അവതരണത്തിലെ വ്യത്യസ്തതയുംകൊണ്ട് ഹോളി കൗ 16 ദേശീയ-അന്തര്ദേശീയ പുരസ്കാരങ്ങള് ഇതിനോടകം നേടി കഴിഞ്ഞു. ചിത്രത്തിലെ കേന്ദ്രകഥാപാത്രത്തെ അവതരിപ്പിക്കുന്നതും ഡോ. ജാനറ്റാണ്.
ഒരു സ്ത്രീയുടെ ജീവിതത്തിലൂടെയാണ് ഹോളി കൗവിന്റെ കഥ വികസിക്കുന്നത്. നിഗൂഢതകളും ആകുലതകളും നിറഞ്ഞ സ്ത്രീ സമൂഹത്തിന്റെ ആത്മാവിലേക്കുള്ള ഒരു തീര്ത്ഥ യാത്രയാണ് ഹോളി കൗ എന്നാണ് സംവിധായിക ഡോ. ജാനറ്റ് പറയുന്നത്. സ്ത്രീയുടെ സ്വകാര്യതകളും ലൈംഗിക ജീവിതവും ഒക്കെ ചിത്രം ഒപ്പിയെടുക്കുന്നുണ്ട്. ഓരോ സ്ത്രീയും ഉത്തരം കിട്ടാത്ത കടംങ്കഥയാണ്. സമുദ്രത്തില് മുങ്ങിക്കിടക്കുന്ന മഞ്ഞുമലപോലെതന്നെയാണ് സ്ത്രീയുടെ ജീവിതം. കുറച്ച് ഭാഗം മാത്രമേ നാം കാണുന്നുള്ളൂ, ഡോ. ജാനറ്റ് പറയുന്നു. ഹോളി കൗ പച്ചയായ സ്ത്രീജീവിതത്തിന്റെ നേര്സാക്ഷ്യമാണെന്നും, ഒന്നും മറച്ചുപിടിക്കുന്നില്ലെന്നും സംവിധായിക പറഞ്ഞു. റെഡ് കാര്പ്പെറ്റ്, ദി ഡേ റിപ്പീറ്റ്സ്, ഗ്രീന് ഗ്ര്യൂ , ഹൊറര് ഡോക്യുമെന്ററിയായ രാമേശ്വരി, വിന്ഡോ ട്വന്റി 20 എന്നീ ഡോക്യുമെന്ററികളും ജാനറ്റ് ഒരുക്കിയ ദേശീയ-അന്തര്ദേശീയ തലത്തില് ശ്രദ്ധിക്കപ്പെട്ട ചിത്രങ്ങളാണ്.
ജന്മഭൂമി ഓണ്ലൈന്