കൊച്ചി: നോട്ട് നിരോധനക്കാലത്ത് മുന്മന്ത്രി ഇബ്രാഹിംകുഞ്ഞ് 10 കോടി രൂപയുടെ കള്ളപ്പണം വെളുപ്പിച്ചുവെന്ന് എന്ഫോഴ്സ്മെന്റ് ഡയറക്ടറേറ്റ് (ഇഡി) ആരോപണം.
ഇതുമായി ബന്ധപ്പെട്ട് ചോദ്യം ചെയ്യലിന് ഹാജരാകാന് ഇഡി നോട്ടീസ് നല്കി. അടുത്ത ദിവസം തന്നെ കൊച്ചിയിലെ ഇഡി ഓഫീസില് ഹാജരാകാന് ആവശ്യപ്പെട്ടാണ് നോട്ടീസ്.
നേരത്തെ ഈ കേസില് ഇഡിയ്ക്കും വിജിലന്സിനും അന്വേഷണം തുടരാമെന്ന് ഹൈക്കോടതി അനുമതി നല്കിയിരുന്നു. നോട്ട് നിരോധനക്കാലത്ത് രണ്ട് ബാങ്ക് അക്കൗണ്ടുകള് വഴി 10 കോടിയുടെ കള്ളപ്പണം ഒരു ദിനപത്രത്തിന്റെ അക്കൗണ്ടിലേക്ക് നിക്ഷേപിച്ചു. പിന്നീട് ഇബ്രാഹിംകുഞ്ഞ് ഈ പണം സ്വന്തം അക്കൗണ്ടിലേക്ക് മാറ്റുകയായിരുന്നു എന്നായിരുന്നു പരാതി.
