മണര്കാട്: ബിജെപി സംസ്ഥാന പ്രസിഡന്റ് കെ. സുരേന്ദ്രന് നയിക്കുന്ന വിജയയാത്രയെ വരവേല്ക്കാന് സ്വീകരണ കേന്ദ്രങ്ങളും ഒരുങ്ങി. രണ്ടിന് വൈകീട്ട് നാലിനാണ് മണര്കാട് കവലയില് യാത്രയ്ക്ക് സ്വീകരണം നല്കുക. പാമ്പാടി ആലാമ്പള്ളി കവലയില് നിന്നും നൂറുകണക്കിന് ഇരുചക്ര വാഹനങ്ങളുടെ അകമ്പടിയോടെ വിജയയാത്രയെ വരവേല്ക്കും. യാത്രയെ സ്വീകരിക്കുന്ന തിനുള്ള ഒരുക്കങ്ങള് പൂര്ത്തിയായതായി നിയോജക മണ്ഡലം പ്രസിഡന്റും സ്വാഗതസംഘം ചെയര്മാനുമായ ടി.കെ. ശ്രീകാന്ത്, നിയോജക മണ്ഡലം ജനറല് സെക്രട്ടറി സുനില്കുമാര് കീരനാട്ട്, ആര്. സര്ജു എന്നിവര് അറിയിച്ചു.
ചങ്ങനാശ്ശേരി: വിജയയാത്രയെ വരവേല്ക്കാന് ചങ്ങനാശ്ശേരിയും ഒരുങ്ങി. ബിജെപി മണ്ഡലം കമ്മറ്റിയുടെ നേതൃത്വത്തില് വന്സ്വീകരണമാണ് ഒരുക്കുന്നത്. വൈകിട്ട് അഞ്ചിന് യാത്ര എത്തിച്ചേരും. കുരിശുംമൂട്ടില് എത്തുന്ന യാത്രയെ ആയിരക്കണക്കിനു ഇരുചക്രവാഹനങ്ങളുടെ അകമ്പടിയോടെ എതിരേല്ക്കും. സെന്ട്രല് ജംഗ്ഷനില് നിയോജക മണ്ഡലം കമ്മറ്റിയുടെ നേതൃത്വത്തില് പുഷ്പഹാരമണിയിക്കും. താലപ്പൊലിയുടെയും മുത്തുക്കുടകളുടെയും വാദ്യമേളങ്ങളുടെയും അകമ്പടിയോടെ വേദിയിലേക്ക് യാത്രാനായകന് കെ. സുരേന്ദ്രനെ സ്വീകരിച്ചാനയിക്കും. സമ്മേളനത്തില് വെച്ച് രാഷ്ടീയ സാമൂഹിക സാംസ്ക്കാരിക മേഖലയിലുള്ള പ്രമുഖര് ബിജെപിയില് ചേരുമെന്ന് മണ്ഡലം പ്രസിഡന്റും സ്വാഗതസംഘം ചെയര്മാനുമായ എ. മനോജ് അറിയിച്ചു.
വിജയയാത്രയുടെ പ്രചരണാര്ത്ഥം ചങ്ങനാശ്ശേരിയില് യുവമോര്ച്ച ഇരുചക്രവാഹനറാലി നടത്തി. മണ്ഡലം പ്രസിഡന്റ് എസ്.എസ്. സൂരജ് നയിച്ച ഇരുചക്രവാഹനറാലി മന്ദിരം കവലയില് ബിജെപി മണ്ഡലം പ്രസിഡന്റ് എ. മനോജ് ഫ്ളാഗ് ഓഫ് ചെയ്തു. യുവമോര്ച്ച ജില്ലാ പ്രസിഡന്റ് സോബിന്ലാല് റാലി ഉദ്ഘാടനം ചെയ്തു.
