തിരുവനന്തപുരം: കേരളത്തിന് നീതി ഉറപ്പാക്കാന് ബിജെപിയുടെ വരവ് അനിവാര്യമെന്ന് മെട്രോമാന് ഇ.ശ്രീധരന്. ഒമ്പതുവര്ഷത്തെ അനുഭവത്തിന്റെ പശ്ചാത്തലത്തിലാണ് ബിജെപിയിലേക്കുള്ള തന്റെ രാഷ്ട്രീയപ്രവേശം. പാര്ട്ടി പറഞ്ഞാല് താന് തെരഞ്ഞെടുപ്പില് മത്സരിക്കുമെന്നും മെട്രോമാന് വാര്ത്താ ചാനലിനോട് വ്യക്തമാക്കി.
ബിജെപി സംസ്ഥാന അധ്യക്ഷന് കെ. സുരേന്ദ്രനാണ് ശ്രീധരന് ബിജെപിയില് ചേരുമെന്ന് ഇന്നു രാവിലെ വ്യക്തമാക്കിയത്. കാസര്ഗോഡ് നിന്നാരംഭിക്കുന്ന വിജയയാത്രയുടെ വേളയില് ഇ.ശ്രീധരന് പാര്ട്ടിയില് അംഗത്വം സ്വീകരിക്കും. മെട്രോമാന് തെരഞ്ഞെടുപ്പില് മത്സരിക്കണമെന്നാണ് പാര്ട്ടിയുടെ ആഗ്രഹം. മത്സരിക്കണമെന്ന ആവശ്യം അദ്ദേഹത്തിന് മുന്പില് വയ്ക്കും. സ്ഥാനാര്ത്ഥികളെ നിശ്ചയിക്കുന്നത് പാര്ട്ടി പാര്ലമെന്റെറി ബോര്ഡാണ്. അവര് സ്ഥാനാര്ത്ഥികളെ ഉചിതമായ സമയത്ത് പ്രഖ്യാപിക്കുമെന്നും സുരേന്ദ്രന്. വരുംനാളുകളില് കൂടുതല് പ്രമുഖര് പാര്ട്ടിയില് എത്തുമെന്നും സുരേന്ദ്രന് വ്യക്തമാക്കിയിരുന്നു.
