കൊല്ലം: കൊല്ലം ചാത്തന്നൂരില് പതിനഞ്ചുകാരിയെ പീഡിപ്പിച്ച് ഗര്ഭിണിയാക്കിയ കേസില് കുട്ടിയുടെ പിതാവ് അറസ്റ്റില്. ചാത്തന്നൂരാണ് സംഭവം. പിതാവും സഹോദരന്റെ സുഹൃത്തും ചേര്ന്നാണ് പീഡിപ്പിച്ചത്. പെണ്കുട്ടി നിലവില് മൂന്ന് മാസം ഗര്ഭിണിയാണ്. കുട്ടിയുടെ സഹോദരന്റെ സുഹൃത്തായ നൗഷാദ് എന്ന ഇരുപത്തിരണ്ടുകാരനെയും പോലീസ് അറസ്റ്റ് ചെയ്തു.
കൗണ്സിലിംഗിലാണ് പീഡന വിവരം പുറത്തായത്. കുട്ടിയെ പ്രണയം നടിച്ച് പീഡിപ്പിച്ച കേസില് നൗഷാദ് ആണ് ആദ്യം അറസ്റ്റിലായത്. തുടര്ന്ന് നടത്തിയ കൗണ്സലിംഗിലാണ് പിതാവ് പീഡിപ്പിച്ച വിവരവും കുട്ടി വെളിപ്പെടുത്തിയത്. കഴിഞ്ഞ വര്ഷം നവംബര് മുതല് മദ്യലഹരിയിൽ പിതാവ് പീഡിപ്പിച്ചിരുന്നതായി പെണ്കുട്ടി മൊഴി നല്കി. പെണ്കുട്ടിയുടെ വിശദമായ മൊഴി പൊലീസ് രേഖപ്പെടുത്തി.
സംഭവത്തില് പെണ്കുട്ടിയുടെ പിതാവായ 45കാരനെ പോലീസ് അറസ്റ്റ് ചെയ്തു. കേസില് അന്വേഷണം ഊര്ജിതമാക്കിയതായി പോലീസ് അറിയിച്ചു.
