പീരുമേട്: ഏലപ്പാറ വില്ലേജ് ഓഫീസിന്റെ പരിധിയിലെ നല്ലതണ്ണിയില് സ്വകാര്യ വ്യക്തി സര്ക്കാര് ഭൂമി കൈയേറിയത് റവന്യൂ അധികൃതര് ഒഴിപ്പിച്ചു. വാഗണ് നല്ലതണ്ണിയില് വിജയകുമാര് കയ്യേറിയ ഭൂമിയാണ് പീരുമേട് തഹസില്ദാരുടെ നേതൃത്വത്തില് ഒഴിപ്പിച്ചത്.
സര്വെ നമ്പര് 212/1ല് ഉള്പ്പെട്ട നാലേക്കര് ഭൂമിയില് വേലിക്കെട്ടി തിരിച്ച് കൃഷി ചെയ്തുവരികയായിരുന്നു. ഇതില് അവിടെവിടായി ഏലവും കുഴിച്ച് വെച്ചിരുന്നു. സര്ക്കാരിന്റെ ഉടമസ്ഥതയിലുള്ള 30 ഏക്കര് ഭൂമിയിലാണ് നാല് ഏക്കര് കൈയേറിയത്. കൈയേറിയ ഭൂമിക്ക് പട്ടയത്തിനായി പീരുമേട് സ്പെഷ്യല് തഹസില്ദാറിന് അപേക്ഷ സമര്പ്പിച്ചിരുന്നു.
റവന്യൂ ഉദ്യോഗസ്ഥരുടെ അന്വേഷണത്തില് ഈ ഭൂമി സര്ക്കാരിന്റേതാണന്നും ഇവിട കൃഷിയില്ലന്നും താമസമില്ലെന്നും കണ്ടെത്തിയിരുന്നു. ഇതേ തുടര്ന്ന് എല്എ തഹസില്ദാര് പട്ടയപേക്ഷ മരവിപ്പിച്ചു. ഇതോടെ വിജയകുമാര് ആര്ടിഒക്ക് അപ്പീല് നല്കി. ആര്ടിഒയുടെ പരിശോധനയിലും ഇത് കൈയേറ്റഭൂമിയാണന്ന് കണ്ടെത്തി.
ഇടുക്കി കളക്ടര് എച്ച്. ദിനേശന്റെ ഉത്തരവിനെ തുടര്ന്നാണ് ഒഴിപ്പിക്കല് നടപടി പൂര്ത്തിയാക്കിയത്. 4 ഏക്കര് സ്ഥലം ഒഴിപ്പിച്ചെടുത്തതോടെ 30 ഏക്കര് ഭൂമി സര്ക്കാര് ആവശ്യത്തിന് ഉപയോഗിക്കാനാകും. താലൂക്ക് ഡെപ്യൂട്ടി തഹസീല്ദാരായ അനില്കുമാര്, ദീപ, റോസമ്മ, വില്ലേജ് ഓഫീസര് ബീനാമ്മ തുടങ്ങിയ ഉദ്യോഗസ്ഥരും നടപടിയില് പങ്കെടുത്തു.
റിപ്പോര്ട്ട് കൈമാറും
സംഭവത്തില് വിശദമായ റിപ്പോര്ട്ട് കളക്ടര്ക്ക് സമര്പ്പിക്കുമെന്ന് പീരുമേട് തഹസില്ദാര്എം.കെ. ഷാജി പറഞ്ഞു. ഭൂമിയുടെ തുടര് ഉപയോഗം സംബന്ധിച്ച് കളക്ടറുടെ നിര്ദേശ പ്രകാരം നടപടി എടുക്കുമെന്നും അദ്ദേഹം വ്യക്തമാക്കി.
