കാക്കനാട് : കെപിഎംഎസ് സുവർണ ജൂബിലിയുടെ ഭാഗമായി പ്രഖ്യാപിക്കപ്പെട്ട അമേയം സ്വാന്തന പരിചരണത്തിന്റെ ജില്ലാ ഓഫീസ് തൃക്കാക്കര മുനിസിപ്പൽ കെട്ടിടത്തിൽ പ്രവർത്തനമാരംഭിച്ചു. ഓഫീസ് ഉദ്ഘാടനം കെപിഎംഎസ് ജനറൽ സെക്രട്ടറി പുന്നല ശ്രീകുമാർ നിർവഹിച്ചു. കെപിഎംഎസ്, അയ്യങ്കാളി കൾച്ചറൽ ട്രസ്റ്റും ഹെൽത് കെയറിലേക്ക് കടന്നു വരുന്നതിന്റെ ആദ്യപടിയാണ് ഈ സ്വാന്തന പരിചരണ സംരംഭം. സമൂഹത്തിനാകെ സാന്ത്വനമേകുന്ന ഈ പദ്ധതിക്ക് എറണാംകുളമാണ് തുടക്കം കുറിക്കുന്നത് എന്നത് വളരെ സന്തോഷകരമായ കാര്യമാണെന്നും പുന്നല ശ്രീകുമാർ പറഞ്ഞു.
വെബ്സ്റ്റ് ഉദ്ഘാടനം തൃക്കാക്കര മുനിസിപ്പൽ ചെയർപേഴ്‌സൺ അജിത തങ്കപ്പൻ നിർവഹിച്ചു. കൗൺസിലർ ഉണ്ണി കാക്കനാട്, മുനിസിപ്പൽ പ്രതിപക്ഷ നേതാവ് ചന്ദ്രബാബു, അയ്യൻകാളി കൾച്ചറൽ ട്രസ്റ് എറണാംകുളം ലോക്കൽ മാനേജ്‌മെന്റ് കമ്മിറ്റി സെക്രെട്ടറി പി.വി ബാബു, എം.രവി, വി.കെ.കുട്ടപ്പൻ, പ്രശോഭ് ഞാവേലി , ടി.വി ശശി, സുനന്ദ രാജൻ, ടി.സി. അനിരുദ്ധൻ, തുടങ്ങിയവർ പ്രസംഗിച്ചു.
