ഇംഫാല്‍: ഇംഫാല്‍ ഈസ്റ്റ് ജില്ലയിലെ നോങ്ഷുമില്‍ സായുധരായ അക്രമികള്‍ നിരപരാധികളായ സാധാരണക്കാരെ കൊലപ്പെടുത്തിയതിനെ മണിപ്പൂര്‍ മുഖ്യമന്ത്രി വൈ ഖേംചന്ദ് സിംഗ് അപലപിച്ചു. സംഘര്‍ഷ മേഖലയില്‍ സുരക്ഷ ശക്തിപ്പെടുത്താന്‍ അദ്‌ദേഹം ഉദ്യോഗസ്ഥര്‍ക്ക് നിര്‍ദ്ദേശം നല്‍കി. മെയ്തെയ് ഗ്രാമവാസികളുടെ ഒരു കൂട്ടത്തില്‍പ്പെട്ട മൂന്ന് പേര്‍ കാട്ടില്‍ വിറക് ശേഖരിക്കുന്നതിനിടെയാണ് അജ്ഞാതരായ തോക്കുധാരികള്‍ വെടിയുതിര്‍ത്തത്. മൂന്ന് പേര്‍ക്ക് പരിക്കേറ്റു, മൂന്ന് പേരെ കാണാതായതായും റിപ്പോര്‍ട്ടുണ്ട്.
സംഭവത്തെത്തുടര്‍ന്ന് സുനുറോക്ക് കുന്നുകളില്‍ സുരക്ഷാ സേന കോമ്പിംഗ് ഓപ്പറേഷന്‍ ആരംഭിച്ചു, പ്രദേശത്ത് തെരച്ചില്‍ നടത്താന്‍ സ്‌നിഫര്‍ നായ്‌ക്കളെ വിന്യസിച്ചു.
നിരീക്ഷണത്തിനായി ഹെലികോപ്റ്ററുകളും ഉപയോഗിക്കുന്നുണ്ട്. പോലീസ്, സിആര്‍പിഎഫ്, കോബ്ര, അസം റൈഫിള്‍സ്, ബിഎസ്എഫ് ഉദ്യോഗസ്ഥര്‍ എന്നിവരടങ്ങുന്ന സംയുക്ത സംഘമാണ് ഓപ്പറേഷന്‍ നടത്തുന്നത്.
ആക്രമണത്തെത്തുടര്‍ന്ന് ഇംഫാലില്‍ പ്രതിഷേധ പ്രകടനം നടന്നു. മുഖ്യമന്ത്രിയുടെ വസതിക്ക് പുറത്ത് ് മൃതദേഹങ്ങള്‍ വച്ച് പ്രകടനക്കാര്‍ പ്രതിഷേധിച്ചു. പ്രതിഷേധക്കാരെ പിരിച്ചുവിടാന്‍ പോലീസ് കണ്ണീര്‍ വാതക ഷെല്ലുകള്‍ പ്രയോഗിച്ചു. ആഭ്യന്തരമന്ത്രി ഗോവിന്ദാസ് കൊന്തൂജത്തിന്‌റെ നേതൃത്വത്തില്‍ സുരക്ഷാ അവലോകന യോഗം ചേര്‍ന്ന് സ്ഥിതിഗതികള്‍ വിലയിരുത്തി.
നിരപരാധികള്‍ക്കു നേരെയുള്ള സായുധ ആക്രമണത്തെ അപലപിച്ച് മണിപ്പൂര്‍ മുഖ്യമന്ത്രി, കോമ്പിംഗ് ഓപ്പറേഷന്‍ ആരംഭിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.