തിരുവനന്തപുരം: കേരളത്തിലെ കോവിഡ് പോസിറ്റിവിറ്റി നിരക്ക് ദേശീയ ശരാശരിയുടെ അഞ്ച് മടങ്ങായി വര്ധിച്ച പശ്ചാത്തലത്തില് കേരളത്തിലേക്ക് പ്രത്യേക മെഡിക്കല് ടീമിനെ അനുവദിക്കണമെന്ന് ബിജെപി സംസ്ഥാന അധ്യക്ഷന് കെ. സുരേന്ദ്രന്.
ഈ ആവശ്യം ഉന്നയിച്ച് സുരേന്ദ്രന് പ്രധാനമന്ത്രി നരേന്ദ്രമോഡിയ്ക്ക് കത്തയച്ചു. “രാജ്യത്ത് ടെസ്റ്റ് പോസിറ്റിവിറ്റി നിരക്ക് രണ്ട് ശതമാനത്തോളമാണെങ്കിൽ സംസ്ഥാനത്ത് ഇത് പത്ത് ശതമാനമാണ്. ദേശീയ ശരാശരിയുടെ അഞ്ച് മടങ്ങ് കൂടുതലാണിത്,” സുരേന്ദ്രന് കത്തില് ചൂണ്ടിക്കാട്ടുന്നു.
ഈ സാഹചര്യത്തില് കേരളത്തിന് പ്രത്യേക മെഡിക്കൽ ടീമിനെ അനുവദിക്കണമെന്നും അദ്ദേഹം കത്തില് ആവശ്യപ്പെട്ടിട്ടുണ്ട്. രാജ്യത്ത് നിലവിലുളള സജീവ കേസുകളിൽ 26 ശതമാനവും കേരളത്തിലാണ്. രാജ്യത്ത് ഏറ്റവും കൂടുതൽ ആക്ടീവ് കേസുകളുളള 20 ജില്ലകൾ എടുത്താൽ അതിൽ പന്ത്രണ്ടും കേരളത്തിലാണെന്നും മരണ നിരക്കിൽ കുറവ് വരുന്നില്ലെന്നും സുരേന്ദ്രൻ പ്രധാനമന്ത്രിക്ക് അയച്ച കത്തിൽ പറയുന്നു.
ജന്മഭൂമി ഓണ്ലൈന്