കൊല്ക്കത്ത: ബംഗാളില് സുവേന്ദു അധികാരിയുടെ സഹോദരനും തൃണമൂല് നോതാവുമായിരുന്ന അധികാരി ബിജെപിയില് ചേര്ന്നു. കൊന്തായി നഗരസഭാ അദ്ധ്യക്ഷനായിരുന്നു. 14 തൃണമൂല് കൗണ്സിലര്മാരും അയ്യായിരത്തിലധികം വരുന്ന പ്രവര്ത്തകരും സൗമേന്ദുവിനൊപ്പം തൃണമൂല് വിട്ട് ബിജെപിയില് ചേര്ന്നു.
തന്റെ സഹോദരന് സൗമേന്ദു അടക്കം 5000 പേര് തൃണമൂല് കോണ്ഗ്രസ് വിട്ട് ബിജെപിയില് ചേരുമെന്ന് അടുത്തിടെ ബിജെപിയിലെത്തിയ മുന് തൃണമൂല് നേതാവ് സുവേന്ദു അധികാരി പറഞ്ഞിരുന്നു. തന്റെ സഹോദരന്റെ പാത പിന്തുടരാണ് താന് ഉദ്ദേശിക്കുന്നതെന്ന് സൗമേന്ദുവും പരസ്യ പ്രഖ്യാപനം നടത്തിയിരുന്നു.
തന്റെ പഴയ വിശ്വസ്തന്റെ കൂടുമാറ്റം വന് തിരിച്ചടിയാണ് മമതയ്ക്ക് നല്കിയിരിക്കുന്നത്.
