തിരുവനന്തപുരം: നാളെ മുതല് സംസ്ഥാനത്ത് കനത്ത മഴയ്ക്ക് സാധ്യതയുണ്ടെന്ന് മുന്നറിയിപ്പ് നല്കി കേന്ദ്ര കാലാവസ്ഥ വകുപ്പ്.കൂടാതെ ശക്തമായ ഇടി മിന്നല് മുന്നറിയിപ്പും നല്കി.ഇതിനെ തുടര്ന്ന് അതീവ ജാഗ്രതാ നിര്ദേശമാണ് നല്കിയിരിയ്ക്കുന്നത്. നാളെ മുതല് 18 വരെ കനത്ത മഴയ്ക്ക് സാധ്യതയെന്നാണ് മുന്നറിയിപ്പ്. ഇതേത്തുടര്ന്ന് ആറു ജില്ലകളില് യെല്ലോ അലെര്ട്ട് പ്രഖ്യാപിച്ചു.
ഡിസംബര് 17ന് മലപ്പുറം, കോഴിക്കോട്, വയനാട് എന്നീ ജില്ലകളിലും ഡിസംബര് 18ന് കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, വയനാട്എന്നീ ജില്ലകളിലുമാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. ഒറ്റപ്പെട്ടയിടങ്ങളില് 24 മണിക്കൂറില് 64.5 mm മുതല് 115.5 mm വരെ ലഭിക്കുന്ന ശക്തമായ മഴയാണ് പ്രവചിക്കപ്പെട്ടിരിക്കുന്നത്.
