തൊടുപുഴ: കൊറോണ വ്യാപനം രൂക്ഷമായതിനെത്തുടര്ന്ന് രണ്ടുപാലത്ത് റോഡ് അടച്ചു. പോലീസിന്റെയും ആരോഗ്യ വകുപ്പിന്റെയും നേതൃത്വത്തിലാണ് കാരിക്കോട്-പട്ടയംകവല റോഡിന്റെ ഭാഗമായ രണ്ടുപാലത്തെ പാലം അടച്ചത്.
നിലവില് ഇരുചക്രവാഹനങ്ങള്ക്ക് മാത്രമാണ് കടന്ന് പോകാനാകുക. തൊണ്ടിക്കുഴ ഭാഗത്ത് നിന്നുള്ള വാഹനങ്ങള് മറ്റു വഴിയിലൂടെ യാത്ര ചെയ്യണമെന്ന് പോലീസ് നിര്ദേശം നല്കി. അതേസമയം ഇന്നലെ രാവിലെ ഇവിടെ റോഡിലെ ഡിവൈഡര് നീക്കി വാഹനങ്ങള് കടത്തിക്കൊണ്ടു പോയിരുന്നു. പിന്നാലെ കളക്ടര് നിയോഗിച്ച സെക്ട്രല് ഓഫീസര് ഇടപെടുകയും പാലം വീണ്ടും അടക്കുകയുമായിരുന്നു.
ഇത്തരത്തില് ചെയ്യുന്നവര്ക്കെതിരേ കര്ശന നടപടി സ്വീകരിക്കുമെന്ന് പോലീസ് വ്യക്തമാക്കി. കാരിക്കോട് നിന്ന് ഈ റോഡിലേക്ക് പ്രവേശിക്കുന്ന വഴിയിലും ബാരിക്കേഡ് സ്ഥാപിച്ചിട്ടുണ്ടെങ്കിലും നിരവധി വാഹനങ്ങള് കടന്നുപോകുന്നുണ്ട്. നിയന്ത്രണങ്ങള് പാലിക്കാന് ജനങ്ങള് തയാറാകുന്നില്ലെന്ന് ആരോഗ്യവകുപ്പ് അധികൃതരും പറയുന്നു. കഴിഞ്ഞ രണ്ടാഴ്ചയിലധികമായി ഉണ്ടപ്ലാവ്, രണ്ടുപാലം മേഖല കണ്ടെയ്മെന്റ് സോണാണ്.
