സിഡ്നി: ഇന്ത്യന് നായകന് വിരാട് കോഹ്ലി ഓസ്ട്രേലിയന് പര്യടനത്തില് ടെസ്റ്റ് പരമ്പരയില് നിന്നും വിട്ടു നില്ക്കുന്നത് ഖേദകരമാണെന്ന് ഓസ്ട്രേലിയന് ഇതിഹാസം സ്റ്റീവ് വോ. നാല് മത്സരങ്ങളടങ്ങിയ ടെസ്റ്റ് പരമ്പരയില് ഒന്നില് മാത്രകമാകും കോഹ്ലി കളിക്കുക. അവസാന മൂന്ന് ടെസ്റ്റുകളില് വ്യക്തിപരമായ കാരണത്താല് വിട്ടു നില്ക്കുകയാണ്.
കോഹ്ലിയുടെ അസാന്നിധ്യം പരമ്പരയില് ഓസ്ട്രേലിയക്ക് കൂടുതല് സാധ്യത നല്കുന്നു. രണ്ട് വര്ഷം മുമ്പ് ഡേവിഡ് വാര്ണറും സ്റ്റീവ് സ്മിത്തും ഇല്ലാത്ത ഓസീസിനെ ഇന്ത്യ പരാജയപ്പെടുത്തിയതിന് തുല്യമാകും ഈ പരമ്പര. കോഹ്ലിയുടെ വിടവ് ശ്രദ്ധേയമാകുമെന്നും അദ്ദേഹം പറഞ്ഞു. നവംബര് 27നാണ് ഏകദിന പരമ്പരക്ക് തുടക്കമാകുന്നത്.
