റാവല്പിന്ഡി: മുന് സിംബാബ്വെ ക്രിക്കറ്റ് ടീം നായകന് എള്ട്ടണ് ചിഗുംബര വിരമിച്ചു. പാക്കിസ്ഥാനെതിരായ ട്വന്റി20 പരമ്പര അവസാനിച്ചതോടെയാണ് താരത്തിന്റെ അന്താരാഷ്ട്ര കരിയറിന് അവസാനമായത്. പതിനാറ് വര്ഷം നീണ്ട കരിയറിനാണ് താരം വിരാമമിട്ടത്.
പതിനാല് ടെസ്റ്റിലും 213 ഏകദിനത്തിലും 57 ട്വന്റി20യിലും കളിച്ചു. ബൗളിങ് ഓള്റൗണ്ടറായ താരം ടെസ്റ്റില് 21 വിക്കറ്റും 569 റണ്സും നേടി. ഏകദിനത്തില് 4,340 റണ്സും 101 വിക്കറ്റും സ്വന്തമാക്കി.
2007, 2011, 2015 ഏകദിന ലോകകപ്പുകളിലും 2007, 2010, 2012, 2014, 2016 ട്വന്റി20 ലോകകപ്പുകളിലും സിംബാവെക്കായി കളിച്ചു. 2004, 2006 ചാമ്പ്യന്സ് ട്രോഫി ടൂര്ണമെന്റുകളിലും ഭാഗമായി. 62 ഏകദിനങ്ങളിലും 18 ട്വന്റി20കളിലും ടീമിനെ നയിച്ചു.
സിംബാബ്വെ ക്രിക്കറ്റിന് വലിയ സംഭാവന നല്കിയ താരമാണ് വിരമിക്കുന്നതെന്നും വരും വര്ഷങ്ങള് സന്തോഷത്തിന്റേതാകട്ടേയെന്നും ഐസിസി പ്രശംസിച്ചു. 34കാരനായ താരം 2004ലാണ് അന്താരാഷ്ട്ര ക്രിക്കറ്റില് അരങ്ങേറ്റം കുറിച്ചത്.
