കോഴിക്കോട്: അഴിമതിയില് മുങ്ങിക്കുളിച്ച സംസ്ഥാന സര്ക്കാരിന്റെ അനുയായികളാണ് കോഴിക്കോട് കോര്പറേഷന് ഭരിക്കുന്നതെന്നും നേതാക്കളെക്കാള് ഒട്ടും പിന്നിലല്ല അനുയായികളെന്നും ബിജെപി സംസ്ഥാന വൈസ് പ്രസിഡന്റ് വി.വി. രാജന്. സിപിഎം നേതൃത്വം നല്കുന്ന കോര്പറേഷന് ഭരണസമിതിയുടെ അഴിമതിക്കും കെടുകാര്യസ്ഥതക്കുമെതിരെ ബിജെപി കൗണ്സിലര്മാര് കോര്പറേഷന് ഓഫീസിന് മുന്നില് നടത്തുന്ന സപ്തദിന സത്യഗ്രഹം നാലാം ദിവസം ഉദ്ഘാടനം ചെയ്യുകയായിരുന്നു അദ്ദേഹം.
നഗരവിക സനപദ്ധതികള് അഴിമതിയില് മുങ്ങിക്കുളിച്ചിരി ക്കുകയാണെന്നും അദ്ദേഹം ആരോപിച്ചു. കേന്ദ്രസര്ക്കാര് അമൃത് പദ്ധതിയില് ഉള്പ്പെടുത്തി അനുവദിച്ച പദ്ധതിക ളല്ലാതെ കാര്യമായ ഒരു പദ്ധതിയും നടപ്പാക്കാന് കോര്പറേഷന് ഭരണക്കാര്ക്കായിട്ടില്ല. നഗരത്തിന്റെ സമഗ്രവികസനത്തിന് അഴിമതി നിറഞ്ഞ ഭരണകൂടത്തെ പുറത്താക്കണം. എല്ലാവിഭാഗം ആളുകളി ലേക്കും വികസനം എത്തണം. നഗരത്തിന്റെ സമഗ്രവിക സനത്തിന് അടുത്ത തെരഞ്ഞെടുപ്പില് ബിജെപിക്ക് അവസരം നല്കണമെന്നും അദ്ദേഹം കൂട്ടിച്ചേര്ത്തു.
കാരപ്പറമ്പ് വാര്ഡ് കൗണ്സിലര് നവ്യ ഹരിദാസ് ആണ് സത്യഗ്രഹം അനുഷ്ഠിച്ചത്. കോഴിക്കോട് നോര്ത്ത് മണ്ഡലം ജനറല് സെക്രട്ടറി പി. രജിത്ത്കുമാര് അദ്ധ്യക്ഷനായി. ബിജെപി കൗണ്സില് പാര്ട്ടി ലീഡര് നമ്പിടി നാരായണന്, ബിജെപി സംസ്ഥാന കൗണ്സില് അംഗം പി.എം. ശ്യാമപ്രസാദ്, പ്രവീണ് തളിയില്, കെ. സുഭാഷ്, ഷൈജു എന്നിവര് സംസാരിച്ചു.
