ന്യൂദല്ഹി: ഇന്ത്യയില് നിന്ന് ഇറാനിലെ ചാബഹാര് തുറമുഖത്തേക്ക് ചരക്കുനീക്കത്തിനുള്ള നിരക്കുകളിലെ 40% ഇളവ് ഒരു വര്ഷത്തേക്കു കൂടി ദീര്ഘിപ്പിച്ച് കേന്ദ്ര ഷിപ്പിംഗ് മന്ത്രാലയം. ഇന്ത്യയിലെ ജവഹര്ലാല് നെഹ്റു പോര്ട്ട്, ദീനദയാല് തുറമുഖങ്ങളില് നിന്ന് ഇറാനിലെ ചാബഹാറിലെ ഷാഹിദ് ബഹേഷ്തി തുറമുഖത്തേയ്ക്കും തിരിച്ചുമുള്ള ചരക്കുനീക്കത്തിനാണ് 40% ഇളവ് ലഭിക്കുക.
ഇന്ത്യന് പോര്ട്ട്സ് ഗ്ലോബല് ലിമിറ്റഡുമായി സഹകരിച്ച് ഈ തുറമുഖങ്ങള് അംഗീകൃത പ്രവര്ത്തന നടപടിക്രമങ്ങള് (എസ്.ഒ.പി) ആവിഷ്കരിക്കും. ഈ തുറമുഖങ്ങള് വഴിയുള്ള ചരക്കുനീക്കം വര്ദ്ധിപ്പിക്കുകയാണ് ഇളവ് കാലാവധി ദീര്ഘിപ്പിക്കുന്നതിലൂടെ ലക്ഷ്യമിടുന്നത്.
