കൊച്ചി : വലുപ്പ ചെറുപ്പമില്ലാതെ സഹപ്രവര്ത്തകരുടെ ജന്മദിനം ഉള്പ്പടെയുള്ള വിശേഷ ദിനങ്ങളില് ആശംസയര്പ്പിച്ച് സുരേഷ് ഗോപി. താരങ്ങള് നമ്മെ വിട്ട് പിരിഞ്ഞിട്ടുപോലും കൃത്യമായി ഓര്മ്മിച്ച് സമൂഹ മാധ്യമംവഴി സുരേഷ് ഗോപി ആശംസ നേരാറുണ്ട്.
സുരേഷ് ഗോപിയുടെ സന്നദ്ധ പ്രവര്ത്തനങ്ങളെ കുറിച്ച് എല്ലാം നമുക്ക് നേരത്തെ അറിയാവുന്നതാണ്. എന്നാല് സഹപ്രവര്ത്തകരുടെ ചെറിയ വിശേഷങ്ങള് പോലും അദ്ദേഹം ഓര്ത്തിരുന്നു ആശംസകളും മറ്റും നേരാറുണ്ട്.
താരസംഘടനയായ അമ്മ പോലും ഇത് കൃത്യമായി നിര്വഹിക്കാറില്ല. മരണശേഷം തന്റെ അച്ഛന് തിലകന്റെ ജന്മദിനവും ചരമവാര്ഷികവും പോലും ഓര്മിക്കാന് സംഘടനയോ ആരും തയ്യാറാകുന്നില്ലെന്ന് ഷമ്മി തിലകന് ഒരിക്കല് പ്രസ്താവന നടത്തുകയുണ്ടായി.
എന്നാല് താരസംഘടനയായ അമ്മ തള്ളി പറഞ്ഞ തിലകന് അടക്കം നിരവധി താരങ്ങളുടേയും പ്രമുഖരുടേയും വിശേഷ ദിനങ്ങളെല്ലാം സുരേഷ് ഗോപി തന്റെ എഫ്ബി പേജിലെ പോസ്റ്റിലൂടെ ആരാധകരെ ഓര്മ്മപ്പെടുത്താറുണ്ട്. ഇതില് വലിപ്പചെറുപ്പമൊന്നുമില്ല…സഹ പ്രവര്ത്തകരോട് ഉള്ളില് തട്ടിയുള്ള സ്നേഹം മാത്രം മതി.
