കൊച്ചി : സ്വര്ണക്കടത്ത് കേസുമായി ബന്ധപ്പെട്ട് കസ്റ്റംസ് സ്വപ്ന സുരേഷിനേയും മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം. ശിവശങ്കറിനേയും ഒരുമിച്ച് ചോദ്യം ചെയ്യുന്നു. ഇരുവരുടേയും മൊഴി പരിശോധിച്ച ശേഷം കൂടുതല് നടപടി കൈക്കൊളും.
സ്വപ്നയെ കാക്കനാട് ജില്ലാ ജയിലിലും ശിവശങ്കറിനെ കൊച്ചി കസ്റ്റംസ് ഓഫീസില് വെച്ചുമാണ് ചോദ്യം ചെയ്യുന്നത്. ശിവശങ്കറിനെ വെള്ളിയാഴ്ചയും ചോദ്യം ചെയ്തിരുന്നു. 11 മണിക്കൂറോളമാണ് കസ്റ്റംസ് ചോദ്യം ചെയ്തത്. അതിനുശേഷം ശനിയാഴ്ച രാവിലെ 10.30ന് വീണ്ടും ചോദ്യം ചെയ്യലിന് ഹാജരാകാന് കസ്റ്റംസ് ആവശ്യപ്പെടുകയായിരുന്നു.
കസ്റ്റംസ് കമ്മീഷണറുടെ സാന്നിധ്യത്തിലാണ് ചോദ്യം ചെയ്യല് നടപടികള് പുരോഗമിക്കുന്നത്. സ്വപ്നയെ രാവിലെ പത്ത് മണിയോടെ തന്നെ ചോദ്യം ചെയ്യാന് കസ്റ്റംസ് ഉദ്യോഗസ്ഥര് ജില്ലാ ജയിലില് എത്തി നടപടികള് ആരംഭിക്കുകയായിരുന്നു.
