ശ്രീനഗര് : ജമ്മു കശ്മീരില് സുരക്ഷാ സൈന്യവുമായി ഏറ്റുമുട്ടല് രണ്ട് ഭീകരര് കൊല്ലപ്പെട്ടു. ഷോപ്പിയാന് സുഗാന് പ്രവിശ്യയിലാണ് സുരക്ഷാ സൈന്യവും ഭീകരരും തമ്മില് ഏറ്റുമുട്ടല് ഉണ്ടായത്. ഏറ്റുമുട്ടല് ഇപ്പോഴും തുടരുകയാണ്.
കൊല്ലപ്പെട്ട ഭീകരരെ കുറിച്ചുള്ള വിവരങ്ങള് ഒന്നും ലഭിച്ചിട്ടില്ല. പ്രദേശത്ത് വ്യാപകമായി തെരച്ചില് ആരംഭിച്ചതായും ജമ്മു കശ്മീര് പോലീസ് അറിയിച്ചു. ചൊവ്വാഴ്ച വൈകിട്ടോടെയാണ് ഏറ്റുമുട്ടല് ആരംഭിച്ചത്.
കഴിഞ്ഞ ദിവസം പുല്വാമയിലും സുരക്ഷാ സൈന്യത്തിന് നേരെ ഭീകരര് ആക്രമണം നടത്തിയിരുന്നു. സിആര്പിഎഫ് ഉദ്യോഗസ്ഥര്ക്ക് നേരെയുണ്ടായ വെടിവെപ്പില് രണ്ട് ജവാന്മാര് വീരമൃത്യു വരിക്കുകയും മൂന്ന് ജവാന്മാര്ക്ക് പരിക്കേല്ക്കുകയും ചെയ്തിരുന്നു.
