കാസര്കോട്: ജില്ലയില് ഇന്നലെ 416 പേര്ക്ക് കൂടി കൊവിഡ് 19 സ്ഥിരീകരിച്ചു. സമ്പര്ക്കത്തിലൂടെ 398 പേര്ക്കും ഇതരസംസ്ഥാനത്ത് നിന്നെത്തിയ ആറ് പേര്ക്കും വിദേശത്ത് നിന്നെത്തിയ 12 പേര്ക്കുമാണ് കൊവിഡ് സ്ഥിരീകരിച്ചത്. 202 പേര്ക്കാണ് ഇന്നലെ കൊവിഡ് നെഗറ്റീവായതെന്ന് ജില്ലാ മെഡിക്കല് ഓഫീസര് (ഹെല്ത്ത്) ഡോ. എ.വി.രാംദാസ് പറഞ്ഞു. ജില്ലയിലെ കൊവിഡ് ബാധിതരുടെ എണ്ണം 400 കടക്കുന്നത് ഇത് നാലാം തവണ. സെപ്റ്റംബര് 29നാണ് ജില്ലയില് രോഗികളുടെ എണ്ണം ആദ്യമായി 400 പിന്നിട്ടത്. 453 ആയിരുന്നു രോഗികളുടെ എണ്ണം. പിന്നീടങ്ങോട്ട് ഒക്ടോബര് ഒന്നിനും (471 രോഗികള്), ഒക്ടോബര് രണ്ടിനും (476) രോഗികളുടെ എണ്ണം 400 പിന്നിട്ടിരുന്നു. മൂന്നു ദിവസത്തിന് ശേഷം ഇന്നലെ വീണ്ടും ജില്ലയില് വീണ്ടും കൊവിഡ് ബാധിതര് 400 കടന്നിരിക്കുകയാണ്. ജില്ലയില് ഒരു മരണം കൂടി ഇന്നലെ കൊവിഡ് മരണമായി സ്ഥിരീകരിച്ചു. കാസര്കോട് നഗരസഭയിലെ 72 കാരിയുടെ മരണമാണ് കൊവിഡ് മരണമായി സ്ഥിരീകരിച്ചത്.
വീടുകളില് 3286 പേരും സ്ഥാപനങ്ങളില് 1260 പേരുമുള്പ്പെടെ ജില്ലയില് ആകെ നിരീക്ഷണത്തിലുള്ളത് 4546 പേരാണ്. പുതിയതായി 275 പേരെ കൂടി നിരീക്ഷണത്തിലാക്കി. സെന്റിനല് സര്വ്വേ അടക്കം പുതിയതായി 2151 സാമ്പിളുകള് കൂടി പരിശോധനയ്ക്ക് അയച്ചു. 455 പേരുടെ പരിശോധനാ ഫലം ലഭിക്കാനുണ്ട്. 336 പേര് നിരീക്ഷണ കാലയളവ് പൂര്ത്തിയാക്കി. 257 പേരെ ആശുപത്രികളിലും കൊവിഡ് കെയര് സെന്ററുകളിലുമായി പ്രവേശിപ്പിച്ചു. ആശുപത്രികളില് നിന്നും കൊവിഡ് കെയര് സെന്ററുകളില് നിന്നും 130 പേരെ ഡിസ്ചാര്ജ് ചെയ്തു.
12892 പേര്ക്കാണ് ജില്ലയില് ഇതുവരെ കൊവിഡ് സ്ഥിരീകരിച്ചത്. ഇതില് 783 പേര് വിദേശത്ത് നിന്നെത്തിയവരും 603 പേര് ഇതരസംസ്ഥാനത്ത് നിന്നെത്തിയവരും 11506 പേര്ക്ക് സമ്പര്ക്കത്തിലൂടെയുമാണ് രോഗം സ്ഥിരീകരിച്ചത്. 9106 പേര്ക്ക് ഇതുവരെ കൊവിഡ് നെഗറ്റീവായി. കൊവിഡ് ബാധിച്ച് മരണപ്പെട്ടവരുടെ എണ്ണം 108 ആയി. നിലവില് 3678 പേരാണ് കൊവിഡ് ചികിത്സയിലുള്ളത്. ഇതില് 2101 പേര് വീടുകളില് ചികിത്സയിലാണ്.
മഞ്ചേശ്വരം 59, ഉദുമ 40, ചെങ്കള 34, മുളിയാര് 26, ചെമ്മനാട് 26, കാസര്കോട് 23, പള്ളിക്കര 20, മധൂര് 19, കാഞ്ഞങ്ങാട് 17, പുല്ലൂര്പെരിയ 17, അജാനൂര് 15, ബേഡഡുക്ക 14, കിനാനൂര് കരിന്തളം 12, മംഗല്പാടി 12, തൃക്കരിപ്പൂര് 11 എന്നിവയാണ് ഇന്നലെ ഏറ്റവും കൂടുതല് കൊവിഡ് രോഗബാധ സ്ഥിരീകരിച്ച തദ്ദേശസ്വയംഭരണ സ്ഥാപനങ്ങള്.
