ലണ്ടന്: യുഎസ് ഓപ്പണില് നിന്ന് നാടകീയമായി പുറത്തായ സെര്ബിയന് താരം നൊവാക് ദ്യോകോവിച്ച് വീണ്ടും പരിശീലനത്തിനെത്തി. റോമില് നടക്കുന്ന ഇറ്റാലിയന് ഓപ്പണിന് മുന്നോടിയായാണ് പരിശീലനത്തിനെത്തിയത്. യുഎസ് ഓപ്പണിലെ പുറത്താക്കലിന് ശേഷം ഇതാദ്യമായാണ് ദ്യോകോ പരിശീലനത്തിനെത്തുന്നത്. യുഎസില് സ്പാനിഷ് താരം പാബ്ലൊ കരിനോ ബസ്റ്റെക്കെതിരായ മത്സരത്തില് സെറ്റ് നഷ്ടമായതിന്റെ നിരാശയില് സൈഡ് ജഡ്ജായിരുന്ന ലോറ ക്ലാര്ക്കിന്റെ കഴുത്തിലേക്ക് പന്തടിച്ചതിനെ തുടര്ന്നാണ് പുറത്താക്കിയത്.
ഇതിനിടെ നിരാശയില് ശക്തമായി പ്രതികരിക്കുന്ന തന്റെ സ്വഭാവം കരിയറിന് ദോഷം ചെയ്യുമെന്ന് ദ്യോകോ കഴിഞ്ഞ ദിവസം പ്രതികരിച്ചിരുന്നു. എന്നാല് ഇത്തരം പ്രവണത ഇനിയും തന്റെ ഭാഗത്തുനിന്ന് ഉണ്ടാകാമെന്നും ശീലം മാറ്റാനായി ശ്രമിക്കുന്നുണ്ടെന്നും ദ്യോകോ പറഞ്ഞു.
ജന്മഭൂമി ഓണ്ലൈന്