ശ്രീനഗര്: രാജ്യം നാളെ സ്വാതന്ത്ര്യദിനം ആഘോഷിക്കാനിരിക്കെ തീവ്രവാദ ആക്രമണത്തിനെത്തിയ ഭീകസംഘവുമായി നടത്തിയ ഏറ്റുമുട്ടലില് രണ്ടു പോലീസുകാര്ക്ക് വീരമൃത്യു. ശ്രീനഗറില് പോലീസ് വാഹനവ്യൂഹത്തിന് നേരെ നടന്ന തീവ്രവാദി ആക്രമണത്തിലാണ് രണ്ട് പോലീസുകാര് വീരമൃത്യു വരിച്ചത്. ശ്രീനഗറിന് സമീപമുള്ള നൗഗാമിലാണ് ആക്രമണം നടന്നത്. ആക്രമണത്തില് മൂന്ന് പോലീസുകാര്ക്ക് പരിക്കേറ്റിട്ടുണ്ട്.
നൗഗാം ബൈപാസിന് സമീപത്തുവെച്ചാണ് ഇവര്ക്ക് നേരെ തീവ്രവാദികള് ആക്രമണം നടത്തിയത്. സ്വാതന്ത്ര്യ ദിനം പ്രമാണിച്ച് കശ്മീരില് കനത്ത ജാഗ്രതാ നിര്ദ്ദേശം നിലനില്ക്കവേയാണ് ആക്രമണം നടന്നത്. സംഭവത്തെ തുടര്ന്ന് പ്രദേശത്തേക്കുള്ള ഗതാഗതം നിരോധിച്ച് പരിശോധന തുടങ്ങി. ആക്രമണം നടത്തിയ സംഘത്തെ കുറിച്ചുള്ള വിവരങ്ങള് പുറത്തുവന്നിട്ടില്ല.
