ഓക്‌ലന്‍ഡ് : ദേശീയ തെരഞ്ഞെടുപ്പിന് മുന്നോടിയായി ക്ഷേത്ര ദര്‍ശനം നടത്തി ന്യൂസിലാന്‍ഡ് പ്രധാനമന്ത്രി ജസീന്ത ആര്‍ഡന്‍. ഓക്‌ലന്‍ഡ് രാധാകൃഷണ ക്ഷേത്രത്തിലാണ് ജസീന്ത സന്ദര്‍ശനം നടത്തിയത്.
ക്ഷേത്രാചാരങ്ങള്‍ ഉള്‍ക്കൊണ്ട് പ്രാര്‍ത്ഥനയിലും ജസീന്ത പങ്കുകൊണ്ടു. ഇന്ത്യന്‍ ഹൈക്കമ്മിഷന്‍ മുക്തേഷ് പര്‍ദേശിക്കൊപ്പമാണ് അവര്‍ ക്ഷേത്ര ദര്‍ശനം നടത്തിയത്. മുക്തേഷ് തന്നെയാണ്‌ ഇതിന്റെ ചിത്രങ്ങള്‍ പങ്കുവെച്ചത്. അതിനുശേഷം ഉത്തരേന്ത്യക്കാരുടെ ഇഷ്ട വിഭവമായ ഛോലെ പൂരി മസാലയുടെ സ്വാദ് ആസ്വദിക്കുകയും കൂടിചെയ്തിട്ടാണ് ജസീന്ത അവിടെ നിന്നും വിടവാങ്ങിയത്.
ഭരണ നേതൃത്വം കൊണ്ട് തന്നെ ഏറെ ആരാധകരുള്ള ജസീന്തയുടെ ക്ഷേത്ര ദര്‍ശനവും ഉത്തരേന്ത്യന്‍ ഭക്ഷണത്തിന്റെ രുചി അറിയുന്നതും മറ്റും ആരാധകരും ഏറ്റെടത്തിട്ടുണ്ട്. നിരവധി പേരാണ് ഇവര്‍ക്ക് സമൂഹ മാധ്യമങ്ങളിലൂടെ ആശംസകള്‍ അറിയിച്ചിരിക്കുന്നത്. സെപ്തംബര്‍ 19നാണ് ന്യൂസിലാന്‍ഡില്‍ തെരഞ്ഞെടുപ്പ്.
