ഭാഗവതാമൃതം

(ശ്രീമദ് ഭാഗവതം ദശമസ്‌കന്ധത്തെ ആധാരമാക്കിയുള്ള പ്രശ്‌നോത്തരി)

1. വൃന്ദാവനത്തില്‍ വന്നശേഷം ശ്രീകൃഷ്ണഭഗവാന്‍ ആദ്യമായി വധിച്ച അസുരന്‍ ഏതു രൂപത്തിലായിരുന്നു വന്നത്?

ഉ: വത്സത്തിന്റെ (പശുക്കുട്ടി) രൂപത്തില്‍ (വത്സാസുരന്‍)

2. വൃന്ദാവനം ഒരു പര്‍വതത്തിന്റെ താഴ്‌വരയിലാണ്. ഏതാണ് പര്‍വതം?

ഉ: ഗോവര്‍ദ്ധനം

3. അമ്പാടിയില്‍ വച്ച് ഭഗവാന്‍ ഏതെല്ലാം അസുരന്മാരെയാണ് വധിച്ചത്?

ഉ: പൂതന, ശകടാസുരന്‍, തൃണാവര്‍ത്തന്‍

4. കൊക്കിന്റെ രൂപത്തില്‍ വന്ന് ഭഗവാനെ വിഴുങ്ങിയ അസുരന്‍?

ഉ: ബകാസുരന്‍

5. പൂതനയുടെയും ബകാസുരന്റെയും അനുജനായ അഘാസുരന്‍ ഭഗവാനെയും ഗോപക്കുട്ടികളെയും വധിക്കാന്‍ ഏതു രൂപത്തിലാണ് വന്നത്?

ഉ: പെരുമ്പാമ്പിന്റെ രൂപത്തില്‍

6. അഘാസുരവധം നേരില്‍ കണ്ട ബ്രഹ്മാവ് കൃഷ്ണന്റെ വൈഭവം കാണാന്‍ ഏതു വിദ്യയാണ് പ്രയോഗിച്ചത്?

ഉ: പശുക്കുട്ടികളെയും ഗോപബാലന്മാരെയും മായകൊണ്ടു മറച്ചു.

7. ഒരു മനുഷ്യവര്‍ഷം ബ്രഹ്മദേവന് എത്ര സമയമാണ്?

ഉ: ഒരു ഞൊടിയിട

8. ഭഗവാന്റെ വൈഭവം എങ്ങനെയാണ് ബ്രഹ്മാവിന് കാണിച്ചുകൊടുത്തത്?

ഉ: ഏകനായ ഭഗവാന്‍ ഗോപകുമാരന്മാരും, പശുക്കുട്ടികളുമായും അനേകം ബ്രഹ്മാണ്ഡങ്ങളായും പിന്നീട് സര്‍വദേവതകളും സേവിക്കുന്ന നാരായണസ്വരൂപനായും അവസാനം ഒന്നായി മാത്രം അവശേഷിക്കുന്നതായും കാണിച്ചുകൊടുത്തു.

9. താലവനം കാക്കുന്ന കഴുതരൂപിയായ അസുരന്‍?

ഉ: ധേനുകന്‍

10. വൃന്ദാവനത്തിനു സമീപത്തുകൂടി ഒഴുകുന്ന നദി?

ഉ: കാളിന്ദി (യമുന)

തയാറാക്കിയത്: തലവടി ഗോപിനാഥന്‍ നായര്‍