കരുനാഗപ്പള്ളി: സ്വര്ണക്കടത്ത് കേസില് മുഖ്യമന്ത്രിയുടെ രാജി ആവശ്യപ്പെട്ട് യുവമോര്ച്ച കരുനാഗപ്പള്ളി മണ്ഡലം കമ്മിറ്റി മിനി സിവില് സ്റ്റേഷനിലേക്ക് നടത്തിയ യുവജന മാര്ച്ചില് പ്രതിഷേധമിരമ്പി.
മോഡല് ഹൈസ്കൂള് പരിസരത്തു നിന്നാരംഭിച്ച മാര്ച്ച് സിവില് സ്റ്റേഷന് മുന്നില് പോലീസ് തടഞ്ഞു. പോലീസ് വലയം ഭേദിക്കാന് ശ്രമിച്ച പ്രവര്ത്തകരും പോലീസും തമ്മില് ഉന്തും തള്ളും ഉണ്ടായി. തുടര്ന്ന് യുവമോര്ച്ച മണ്ഡലം പ്രസിഡന്റ് ആര്. ശംഭുവിന്റെ അദ്ധ്യക്ഷതയില് കൂടിയ യോഗം ബിജെപി ജില്ലാ സെക്രട്ടറി വി.എസ്. ജിതിന്ദേവ് ഉദ്ഘാടനം ചെയ്തു.
ബിജെപി മണ്ഡലം പ്രസിഡന്റ് കെ.ആര്. രാജേഷ്, യുവമോര്ച്ച ജില്ല ജനറല് സെക്രട്ടറി പി. അഖില് എന്നിവര് സംസാരിച്ചു. ബിജെപി മണ്ഡലം വൈസ് പ്രസിഡന്റ് സതീഷ് തേവനത്ത്, ട്രഷറര് ആര്. മുരളി, യുവമോര്ച്ച മണ്ഡലം ജനറല് സെക്രട്ടറി ആര്. ബിജു, വൈസ് പ്രസിഡന്റ് ആരതി, സെക്രട്ടറിമാരായ വിജേഷ് പുളിക്കല്, കാര്ത്തിക് ദേവരാജ്, പ്രിയന്, ജയശ്രീ ബിജു എന്നിവര് നേതൃത്വം നല്കി.
