കാസര്കോട്: ജനകീയ സമരങ്ങളെ അടിച്ചമര്ത്താമെന്നത് പിണറായി സര്ക്കാറിന്റെ വ്യാമോഹം മാത്രമാണെന്ന് യുവമോര്ച്ച ജില്ലാ പ്രസിഡന്റ് ധനഞ്ജയന് മധൂര് പറഞ്ഞു. സ്വര്ണ്ണക്കടത്ത് കേസില് മുഴുവന് പ്രതികളെയും നിയമത്തിന് മുന്നില് കൊണ്ടുവരണമെന്നും, മുഖ്യമന്ത്രി രാജിവെച്ച് അന്വേഷണം നേരിടണമെന്നും ആവശ്യപ്പെട്ട് സമരം നടത്തിയ യുവമോര്ച്ച സംസ്ഥാന അദ്ധ്യക്ഷന് പ്രഫുല്കൃഷ്ണയ്ക്ക് നേരെ നടന്ന പോലീസ് അതിക്രമത്തില് പ്രതിഷേധിച്ച് കാസര്കോട് നടരത്തില് നടത്തിയ പ്രതിഷേധസമരം ഉദ്ഘാടനം ചെയ്യുകയായിരുന്നു അദ്ദേഹം.
യുവമോര്ച്ച കാസര്കോട് മണ്ഡലം കമ്മറ്റി പ്രസിഡന്റ് രക്ഷിത് പ്രഫുല്ലായ അദ്ധ്യക്ഷത വഹിച്ചു. ജില്ലാ ട്രഷറര് എന്.ജിതേഷ്, മണ്ഡലം ജനറല് സെക്രട്ടറി അജിത്കുമാര് തുടങ്ങിയവര് സംബന്ധിച്ചു.
