പുനലൂര്: കിഴക്കന് മലയോര മേഖലയില് വീണ്ടും പുലി ഇറങ്ങി പശുക്കിടാവിനെ കടിച്ചു കൊന്നു. ആര്യങ്കാവ് പഞ്ചായത്തിലെ നാഗമല എസ്റ്റേറ്റ് ലയത്തില് താമസിക്കുന്ന വിനോദ് തോമസിന്റെ തൊഴുത്തില് കെട്ടിയിരുന്നു രണ്ട് വയസുള്ള പശുകിടാവിനെയാണ് പുലി കടിച്ചു കൊന്നത്. ഇന്നു പുലര്ച്ചെ ആറിനായിരുന്നു സംഭവം.
രാവിലെ ഉറക്കം കഴിഞ്ഞ് എണീറ്റ വീട്ടുകാര് വീടിനോട് ചേര്ന്ന തൊഴുത്തില് എത്തിയപ്പോള് അവിടെ കെട്ടിയിരുന്ന പശുക്കിടാവിനെ കണ്ടാതായി. പിന്നീട് നടത്തിയ അന്വേഷണത്തില് സമീപത്തെ കാട്ടില് നിന്നും പശുകിടാവിന്റെ അവശിഷ്ടങ്ങള് കണ്ടെത്തുകയായിരുന്നു.കഴിഞ്ഞ രണ്ട് വര്ഷമായി തെന്മല ആര്യങ്കാവ് പഞ്ചായത്തുകളിലെ ജനവാസ മേഖയില് ഇറക്കിയ പുലികള് വളര്ത്തു മൃഗങ്ങളെ വ്യാപകമായി കൊന്നു തിന്നിരുന്നു. കഴിഞ്ഞ ആഴ്ച തെന്മലയിലും, ഇടപ്പാളയത്തും ഇറങ്ങിയ ചെന്നായ് അഞ്ച് പേരെ അക്രമിച്ചു പരിക്കേല്പ്പിച്ചിരുന്നു.
