തൃശൂര്: പ്രായപൂര്ത്തിയാകാത്ത കുട്ടികളുടെ നഗ്ന ചിത്രങ്ങളും ലൈംഗിക വൈകൃത വീഡിയോകളും പ്രചരിപ്പിച്ച സംഭവത്തില് യുവാവിനെ എരുമപ്പെട്ടി പൊലീസ് അറസ്റ്റ് ചെയ്തു.
വെള്ളറക്കാട് എടക്കളത്തൂര് വീട്ടില് സന്ജോ (22)യെയാണ് ഇന്സ്പെക്ടര് കെ.കെ ഭൂപേഷ് അറസ്റ്റ് ചെയ്തത്. പൊലീസ് സൈബര് സെല്ലിന്റെ നേതൃത്വത്തില് നടക്കുന്ന ഓപ്പറേഷന് ചൈല്ഡ് പി. ഹണ്ടിന്റെ ഭാഗമായുള്ള അന്വേഷണത്തിലാണ് ഇയാള് പിടിയിലായത്.
ടെലഗ്രാം ഗ്രൂപ്പ് വഴി വിദേശ രാജ്യങ്ങളില് നിന്നുള്പ്പടെ കുട്ടികളുടെ പോണ് വീഡിയോകള് ഇയാള് ശേഖരിക്കുകയും ആവശ്യക്കാര്ക്ക് അയച്ച് നല്കുകയും ചെയ്തു വന്നിരുന്നു. ഇയാളുടെ ടാബില് ഇത്തരത്തിലുള്ള അശ്ലീല വീഡിയോകളുടെ വലിയ ശേഖരമുണ്ടെന്ന് പോലീസ് പറഞ്ഞു.
