കോഴിക്കോട്: ജില്ലയില് ഇന്നലെ നാല് പേര്ക്ക് കൂടി കോവിഡ് 19 സ്ഥിരീകരിച്ചു. നാല് പേര് രോഗമുക്തിയും നേടി. രോഗം സ്ഥിരീകരിച്ച നാലു പേരും വിദേശത്ത് നിന്ന് വന്നവരാണ്. അബുദാബി-2, സൗദി-1, കുവൈത്ത്-1.
ചാലിയം സ്വദേശി (23). ജൂണ് അഞ്ചിന് അബുദാബിയില് നിന്നു ദുബായി വഴി കൊച്ചിയിലെത്തി. സര്ക്കാര് സജ്ജമാക്കിയ വാഹനത്തില് ഫറോക്ക് കൊറോണ കെയര് സെന്ററില് നിരീക്ഷണത്തിലായിരുന്നു. ജൂണ് 10 ന് സ്രവപരിശോധന നടത്തി പോസിറ്റീവായി. ചികിത്സയ്ക്കായി കോവിഡ് ഫസ്റ്റ്ലൈന് ട്രീറ്റ്മെന്റ് സെന്ററിലേക്ക് മാറ്റി.
കൊയിലാണ്ടി കടലൂര് സ്വദേശി (50). ജൂണ് 11 ന് കുവൈത്തില് നിന്ന് കരിപ്പൂരിലെത്തി. രോഗ ലക്ഷണങ്ങള് കണ്ടതിനാല് കോഴിക്കോട് മെഡിക്കല് കോളേജിലേക്ക് മാറ്റി.
ചാത്തമംഗലം മലയമ്മ സ്വദേശി (49). മെയ് 19 ന് സൗദിയില് നിന്നു കരിപ്പൂരിലെത്തി. കൊറോണ കെയര് സെന്ററില് നിരീക്ഷണത്തിലായിരുന്നു. രോഗ ലക്ഷണങ്ങള് കണ്ടതിനെ തുടര്ന്ന് ജൂണ് എട്ടിന് ഫസ്റ്റ്ലൈന് ട്രീറ്റ്മെന്റ് സെന്ററിലേക്ക് മാറ്റുകയും സ്രവപരിശോധന നടത്തുകയും ചെയ്തു. തുടര് ചികിത്സയ്ക്കായി കോഴിക്കോട് മെഡിക്കല് കോളേജിലേക്ക് മാറ്റി.
നാദാപുരം കുമ്മങ്കോട് സ്വദേശി (35). ജൂണ് രണ്ടിന് അബുദാബിയില് നിന്നു കരിപ്പൂരിലെത്തി സര്ക്കാര് സജ്ജമാക്കിയ വാഹനത്തില് താമരശ്ശേരിയിലെ കൊറോണ കെയര് സെന്ററിലെത്തി നിരീക്ഷണത്തിലായിരുന്നു. ജൂണ് 10 ന് സ്രവപരിശോധന നടത്തി പോസിറ്റീവായി. ചികി ത്സയ്ക്കായി ഫസ്റ്റ്ലൈന് ട്രീറ്റ്മെന്റ് സെന്ററിലേക്ക് മാറ്റി. നാല് പേരുടേയും ആരോഗ്യനില ഇപ്പോള് തൃപ്തികരമാണ്.
കണ്ണൂര് ജില്ലയില് ചികിത്സയിലായിരുന്ന വടകര സ്വദേശി (39), ചാലപ്പുറം സ്വദേശി (42), കോഴിക്കോട് മെഡിക്കല് കോളേജില് ചികിത്സയിലായിരുന്ന മാവൂര് സ്വദേശി (അഞ്ച് വയസ്സ്), നരിപ്പറ്റ സ്വദേശിനി (30) എന്നിവരാണ് രോഗമുക്തരായത്.
ഇതോടെ രോഗം സ്ഥിരീകരിച്ച കോഴിക്കോട് സ്വദേശി കളുടെ എണ്ണം 137, രോഗമുക്തി നേടിയവര് 57 ആയി. ചികിത്സയ്ക്കിടെ ഒരാള് മരിച്ചു. ഇപ്പോള് 79 കോഴിക്കോട് സ്വദേശികള് കോവിഡ് പോസിറ്റീവായി ചികിത്സയിലുണ്ട്. ഇതില് 15 പേര് കോഴിക്കോട് മെഡിക്കല് കോളേജിലും 60 പേര് ഫസ്റ്റ്ലൈന് ട്രീറ്റ്മെന്റ് സെന്ററിലും കണ്ണൂര്, എറണാകുളം, മഞ്ചേരി, കോഴിക്കോട് സ്വകാര്യ ആശുപത്രി എന്നിവിടങ്ങളില് ഓരോരുത്തരും ചികിത്സയിലാണ്. കൂടാതെ ഓരോ മലപ്പുറം, വയനാട്, കണ്ണൂര് സ്വദേശികളും കോവിഡ് ഫസ്റ്റ്ലൈന് ട്രീറ്റ്മെന്റ് സെന്ററിലും ഒരു കണ്ണൂര് സ്വദേശി കോഴിക്കോട് മെഡിക്കല് കോളേജിലും ചികിത്സയിലുണ്ട്.
