കുറ്റ്യാടി: വിവാഹസമ്മാനമായി വിദ്യാര്‍ത്ഥികള്‍ക്ക് സ്മാര്‍ട്ട് ഫോണുകള്‍ നല്‍കി നവവരന്‍. ഇന്നലെ വിവാഹിതനായ നരിക്കൂട്ടുംചാല്‍ പനമ്പ്രത്തില്‍ ആരിഫാണ് ഓണ്‍ലൈന്‍ ക്ലാസുകളില്‍ പങ്കെടുക്കാന്‍ കഴിയാതിരുന്ന വിദ്യാര്‍ത്ഥികള്‍ക്ക് വിവാഹ സമ്മാനമായി സ്മാര്‍ട്ട് ഫോണുകള്‍ നല്‍കിയത്.
കോവിഡ് കാരണം മാറ്റിവെച്ച വിവാഹം സുരക്ഷാ മാനദണ്ഡങ്ങള്‍ പാലിച്ച് ലളിതമായ ചടങ്ങിലാണ് നടന്നത്. വയനാട് സ്വദേശിയായ അനീസയാണ് ആരിഫിന്റെ വധു. എസ്.ജെ. സജീവ് കുമാര്‍ ഫോണുകള്‍ ഏറ്റുവാങ്ങി. ടി. അശോകന്‍, ടി. സുരേഷ് ബാബു, പി.പി. ദിനേശന്‍, ടി. ലിജിന്‍ തുടങ്ങിയവര്‍ പങ്കെടുത്തു.
