അബൂദാബി: ലുലു ഗ്രൂപ്പിന്റെ മാര്ക്കറ്റിംഗ് കമ്യൂണിക്കേഷന് വിഭാഗം ഡയറക്ടറായി വി.നന്ദകുമാറിനെ നിയമിച്ചു. ലുലു ഗ്രുപ്പിന്റെ ഗ്ലോബല് മാര്ക്കറ്റിംഗ് കമ്യൂണികേഷന്, ഡിജിറ്റല് സോഷ്യല് മീഡിയ, സി.എസ്.ആര് പ്രവര്ത്തനങ്ങള്ക്കാണ് ഇദ്ദേഹം നേതൃത്വം നല്കുക.
നിലവില് ലുലു ഗ്രൂപ്പ് ചീഫ് കമ്യൂണിക്കേഷന്സ് ഓഫിസറായ നന്ദകുമാറിനെ മിഡില് ഈസ്റ്റിലെ ഏറ്റവും മികച്ച അഞ്ച് മാര്ക്കറ്റിങ് പ്രഫഷനലുകളിലൊരാളായി ഫോബ്സ് മാസിക വിശേഷിപ്പിച്ചിരുന്നു. ടൈംസ് ഓഫ് ഇന്ത്യ, ഇന്ത്യന് എക്സ്പ്രസ് തുടങ്ങിയ മുന്നിര മാധ്യമങ്ങള്ക്കൊപ്പം പ്രവര്ത്തിച്ചിരുന്ന ഇദ്ദേഹം 20 വര്ഷമായി ലുലുഗ്രൂപ്പില് സേവനമനുഷ്ഠിക്കുകയാണ്.
