തിരുവനന്തപുരം: സംസ്ഥാനത്ത് കോവിഡ് കേസുകളുടെ എണ്ണം കുത്തനെ വര്‍ധിക്കുന്നു. ഇന്ന് 29 പേര്‍ക്ക് കോവിഡ് രോഗം സ്ഥിരീകരിച്ചു. ഇതില്‍ 21 പേരും വിദേശത്ത് നിന്നെത്തിയവരാണ്. ഏഴു പേര്‍ മറ്റു സംസ്ഥാനങ്ങളില്‍ നിന്ന് വന്നവരാണ്. ഒരാള്‍ക്ക് സമ്പര്‍ക്കത്തിലൂടെയാണു രോഗം പിടിപെട്ടത്. ഇന്ന് ആര്‍ക്കും രോഗമുക്തിയില്ല. 127 പേരെ ഇന്ന് ആശുപത്രിയില്‍ പ്രവേശിപ്പിച്ചു. കണ്ണൂരില്‍ ആരോഗ്യപ്രവര്‍ത്തകയ്‌ക്കാണ് രോഗം സ്ഥിരീകരിച്ചത്.
കൊല്ലം-6,തൃശൂര്‍-4, തിരുവനന്തപുരം-3, കണ്ണൂര്‍-3, പത്തനംതിട്ട-2,ആലപ്പുഴ-2, കോട്ടയം-2 കോഴിക്കോട്-2., കാസര്‍ഗോഡ്-2, എറണാകുളം, പാലക്കാട് എന്നീ ജില്ലകളില്‍ ഓരോ കേസുകളുമാണു റിപ്പോര്‍ട്ട് ചെയ്തത്. ഇനിമുതല്‍ അന്തര്‍ജില്ല യാത്രകള്‍ക്ക് പാസ് വേണ്ടെന്നും തിരിച്ചറിയല്‍ രേഖമാത്രം മതിയെന്നും മുഖ്യമന്ത്രി പിണറായി വിജയന്‍ വ്യക്തമാക്കി. എന്നാല്‍, പൊതുഗതാഗതം അനുവദിക്കില്ല. രാത്രിയാത്ര അനുവദിക്കില്ല.
