തിരുവനന്തപുരം: സംസ്ഥാനത്ത് മദ്യവില്പനശാലകള് ബുധനാഴ്ച തുറക്കാന് തീരുമാനം. ബാറുകള് വഴി മദ്യം പാഴ്സലും ഇതേ ദിവസം ആരംഭിക്കും. ഒപ്പം, ക്ലബുകള് തുറക്കാനും അനുമതി നല്കുമെങ്കിലും ഇവിടേയും പാഴ്സല് മാത്രമാകും അനുവദിക്കുക. ഇന്നു ചേര്ന്ന് ഉന്നതതല യോഗത്തില് തീരുമാനമായി.
ബാര്ബര് ഷോപ്പുകള് തുറക്കുമെങ്കിലും ഫേഷ്യല് അടക്കമുള്ള സൗന്ദര്യവര്ധക പ്രവൃത്തികള് അനുവദിക്കില്ല. ഈ മാസം 31 വരെ നടത്താനിരുന്ന എസ്എസ്എല്സി, പ്ലസ്ടു പരീക്ഷകളെല്ലാം മാറ്റി. അന്തര്ജില്ലാ-സംസ്ഥാനന്തര യാത്രകള്ക്കും പാസ് വേണമെന്ന് നിബന്ധന തുടരാനും തീരുമാനമായി. സംസ്ഥാനത്ത് ഓട്ടോറിക്ഷകള് നിബന്ധനകള്ക്ക് വിധേയമായി ഓടാന് അനുവദിക്കും. എന്നാല്, കെഎസ്ആര്ടിസി അടക്കം ബസുകള് ഉടന് സര്വീസ് നടത്തില്ല.
