കാസര്കോട്: ജില്ലയിലെ വനാതിര്ത്തിയോട് ചേര്ന്ന പ്രദേശങ്ങളില് കഴിഞ്ഞ കുറെ ദിവസങ്ങളായി രൂക്ഷമായ കാട്ടാനകളുടെ അക്രമത്തിനിരയായ കര്ഷകര്ക്ക് അടിയന്തിര സഹായമെത്തിക്കണമെന്ന് ഭാരതീയ ജനതാ കിസാന് മോര്ച്ച ജില്ലാ പ്രസിഡന്റ് ബളാല് കുഞ്ഞിക്കണ്ണന്, ജനറല് സെക്രട്ടറി ജയകുമാര് മാനടുക്കം എന്നിവര് അധികൃതരോട് ആവശ്യപ്പെട്ടു.
ദേലംപാടി, കാറഡുക്ക, കുറ്റിക്കോല്, പനത്തടി പഞ്ചായത്തുകളിലെ ഏക്കര് കണക്കിന് കാര്ഷിക വിളകളാണ് കാട്ടാനകള് നശിപ്പിച്ചത്. കോടികളുടെ വിളനാശം സംഭവിച്ചിട്ടുണ്ട്. സുരക്ഷാ ക്രമീകരണങ്ങളൊരുക്കുന്നതില് ഉത്തരവാദപ്പെട്ടവര് കഴിഞ്ഞ കാലങ്ങളില് കുറ്റകരമായ അനാസ്ഥയാണ് കാണിച്ചത്.
കിടങ്ങുകള് മൂടിയിട്ടും, സോളാര് വേലികള് പ്രവര്ത്തനരഹിതമായിട്ടും അധികൃതര് തിരിഞ്ഞു നോക്കിയില്ലെന്ന ആരോപണവും ശക്തമാണ്. കാട്ടാനകളുടെ അക്രമത്തില് വിള നശിച്ച കര്ഷകര്ക്കും, കഴിഞ്ഞ ദിവസം ജില്ലയിലുണ്ടായ വേനല് മഴയിലും കാറ്റിലും നാശനഷ്ടം നേരിട്ടവര്ക്കും അടിയന്തിര ധനസഹായം നല്കാന് സര്ക്കാര് തയ്യാറാവണമെന്ന് കിസാന് മോര്ച്ച ജില്ലാ കമ്മറ്റി ആവശ്യപ്പെട്ടു.
