തിരുവനന്തപുരം: ഓര്ഡിനന്സ് പ്രകാരം സര്ക്കാര് ജീവനക്കാരുടെ ശമ്പളത്തില് നിന്നും സാലറി കട്ട് ചെയ്തു തുടങ്ങി. സാലറി ചലഞ്ച് നിയമനടപടികളില് പെടുമെന്നതിനാല് സര്ക്കാര് ഉത്തരവ് ഇല്ലാതെ ഓര്ഡിനന്സ് പ്രകാരമാണ് സാലറി കട്ട് ചെയ്തത്. ജീവനക്കാരുടെ ആറ് ദിവസത്തെ ശമ്പളം സാലറി ചലഞ്ചിലേക്ക് മാറ്റിയതിനു ശേഷമാണ് ബാക്കി നല്കിയത്. നിലവിലെ സാഹചര്യം കണക്കിലെടുത്ത് ആരോഗ്യ പ്രവര്ത്തകര്ക്ക് ആദ്യം ശമ്പളം നല്കുമെന്നാണ് ധനമന്ത്രി തോമസ് ഐസക്ക് പറഞ്ഞിരുന്നത് എന്നാല് വളരെക്കുറച്ച് പേര്ക്ക് മാത്രമെ ഇന്നലെ ശമ്പളം നല്കാനായുള്ളൂ.
പിഎഫ് വിഹിതവും വായ്പയും പിടിക്കാന് പാടില്ലെന്ന സമ്മത പത്രം നല്കണമെന്ന ഉത്തരവ് വളരെ വൈകി ഇറങ്ങിയതിനാല് ആരോഗ്യമേഖലയിലുള്ളവരില് അധികം പേര്ക്കും സമ്മത പത്രം നല്കാന് സാധിച്ചില്ല. ഇതോടെ പിഎഫ് വിഹിതവും വായ്പകളും മറ്റും പിടിക്കുകയും സാലറി ചലഞ്ചുകൂടിയായപ്പോള് ശമ്പളം ലഭിച്ചവര്ക്ക് വളരെ കുറച്ച് തുക മാത്രമെ കിട്ടിയോളൂ.
