തിരുവനന്തപുരം:എന്താണ് സംഭവിക്കാന് പോകുന്നതെന്ന് കാണാമെന്ന് ആഭ്യന്തര വകുപ്പ് മന്ത്രി രമേശ് ചെന്നിത്തല.ഒളിവിലുള്ള തന്നെ പിടിക്കാന് പറ്റുമെങ്കില് പിടിക്ക് എന്ന ക്രിമിനല് കേസുകളിലെ പ്രതി അര്ജുന് ആയെങ്കിയുടെ പൊലീസിനോടുളള വെല്ലുവിളിയിലും ഭീഷണിയിലും വാര്ത്താസമ്മേളനത്തില് പ്രതികരിക്കുകയായിരുന്നു മന്ത്രി.
അര്ജുന് ആയങ്കി മുമ്പും പൊലീസിനെ ഭീഷണിപ്പെടുത്തിയിരുന്നു. ഒളിവിലിരുന്ന് പൊലീസിനെ വെല്ലുവിളിച്ച് ഭീഷണിപ്പെടുത്തിയതിന് ഊന്നുകല് പൊലീസ് കേസെടുത്തിട്ടുമുണ്ട്
ഹൈക്കോടതി ജാമ്യം തള്ളിയപ്പോള് കീഴടങ്ങാം എന്ന് തീരുമാനിച്ചു. എന്നാല് അല്ലാതെ പിടിച്ചെ മതിയാവു എങ്കില് പിടിക്ക്. ഇനി ജാമ്യം എടുത്തിട്ടേ വരു എന്നും പറ്റുമെങ്കില് പിടിക്കാനും ഇന്സ്റ്റഗ്രാമിലൂടെ അര്ജുന് ആയങ്കി വെല്ലുവിളിച്ചു. കള്ളക്കേസില് കുടുക്കിയ കോതമംഗലം സിഐക്ക് പണി കൊടുക്കുമെന്നും ഭീഷണി മുഴക്കി.
നിരവധി ക്രിമിനല് കേസുകളില് പ്രതികളായ അര്ജുന് ആയങ്കിയെയും സംഘത്തെയും കോതമംഗലം പൊലീസ് കഴിഞ്ഞ മേയ് 3 ന് അറസ്റ്റ് ചെയ്തിരുന്നു. റിസോര്ട്ടില് പാര്ട്ടി നടത്തി കൂറ്റകൃത്യം ആസൂത്രണം ചെയ്യുന്നതിനിടെയാണ് ആയങ്കി സംഘം മേയ് 3 ന് പൊലീസിന്റെ പിടിയിലായത്. ഇതുമായി ബന്ധപ്പെട്ടാണ് അര്ജുന് ആയങ്കി കോതമംഗലം സി ഐക്കെതിരെ പരസ്യ ഭീഷണിയും അധിക്ഷേപവും നടത്തിയത്.
അര്ജുന് ആയെങ്കി നേരത്തേ സി പി എമ്മുമായി ചേര്ന്ന് പ്രവര്ത്തിച്ചിരുന്നു എന്നാണ് വിവരം. എന്നാല് പിന്നീട് പാര്ട്ടിയുമായി ബന്ധമില്ലെന്ന് വിശദീകരണം നല്കി.
