ശ്രീനഗര്: കശ്മീരിലെ ഹന്ദ്വാരയില് സിആര്പിഎഫ് പട്രോളിംഗ് സംഘത്തിന് നേരെയുണ്ടായ ഭീകരാക്രമണത്തില് മൂന്നു ജവാന്മാര് വീരമൃത്യു വരിച്ചു. ആക്രമണത്തില് ഏഴുപേര്ക്ക് പരിക്കേറ്റിട്ടുണ്ട്. ഏറ്റുമുട്ടലില് ഒരു ഭീകരനെ വധിച്ചതായി സിആര്പിഎഫ് അറിയിച്ചു.
ഹന്ദ്വാരയിലെ ഖാസിയാബാദ് പ്രദേശത്തുവെച്ചാണ് സിആര്പിഎഫ് പട്രോളിംഗ് സംഘത്തിന് നേരെ ആക്രമണമുണ്ടായത്. തുടര്ന്ന് സിആര്പിഎഫും ഭീകരരും തമ്മില് വെടിവെപ്പ് നടന്നു.
ശനിയാഴ്ച ഭീകരരുമായി ഉണ്ടായ ഏറ്റുമുട്ടലില് അഞ്ചു സുരക്ഷാഉദ്യോഗസ്ഥര് വീരമൃത്യു വരിച്ചതിന് പിന്നാലെയാണ് വീണ്ടും ആക്രമണം ഉണ്ടായത്.
