ലണ്ടന്: ലോകത്തിന് തന്നെ ഭീഷണിയായ മഹാമാരി കോവിഡിനെതിരെയുള്ള വാക്സിന് മനുഷ്യരില് പരീക്ഷണം ആരംഭിച്ചു. ബ്രിട്ടണ് ഓക്സ്ഫോര്ഡ് സര്വകലാശാലയിലെ ജെന്നര് ഇന്സ്റ്റിറ്റ്യൂട്ട് വികസിപ്പിച്ചെടുത്ത കൊവിഡ് വാക്സിന്റെ ക്ലിനിക്കല് ട്രയലാണ് ആരംഭിച്ചത്.
ഇന്നലെ രണ്ട് പേര്ക്കാണ് വാക്സിനേഷന് നല്കിയത്. എലൈസ ഗ്രനറ്റോ എന്ന ശാസ്ത്രജ്ഞയായ യുവതിയാണ് ആദ്യ ഡോസ് സ്വീകരിച്ചത്. പരീക്ഷണത്തിനായി 800 സന്നദ്ധ പ്രവര്ത്തകരെയാണ് ഇപ്പോള് തെരഞ്ഞെടുത്തിരിക്കുന്നത്.
ഗവേഷണങ്ങള്ക്ക് നേതൃത്വം നല്കുന്ന ഓക്സ്ഫര്ഡിലെ വാസ്കിനോളജി പ്രൊഫസര് സാറ ഗില്ബര്ട്ട് സാറ 80 ശതമാനം വിജയമാണ് പ്രവചിച്ചിരിക്കുന്നത്. പരീക്ഷണം വിജയമായാല് സെപ്തംബറോടെ 10 ലക്ഷം വാക്സിനുകള് ഉല്പാദിപ്പിക്കാനാണ് പദ്ധതി. വാക്സിന് വിധേയമാകുന്ന ആളുകളെ നിരന്തരം നിരീക്ഷണങ്ങള്ക്ക് വിധേയമാക്കുമെന്നും ഇവര്ക്ക് അസ്വസ്ഥതകളുണ്ടാകാന് സാധ്യതകളുണ്ടെന്നും റിസ്കുകള് ബോധ്യപ്പെടുത്തിയ ശേഷമാണ് മരുന്ന് പരീക്ഷണം നടത്തുന്നതെന്നും എന്നാല് അപകടസാധ്യത ഇല്ലെന്നുമാണ് ശാസ്ത്രജ്ഞര് പറയുന്നത്. വിവിധ ഭൂഖണ്ഡങ്ങളിലെ തെരഞ്ഞെടുക്കപ്പെടുന്ന രാജ്യങ്ങളിലും പരീക്ഷണം നടത്തും.
അതേസമയം, ഏറെ പ്രതീക്ഷയോടെ ലോകം കാത്തിരുന്ന റെംഡെസിവിര് മരുന്നിന്റെ ആദ്യ ക്ലിനിക്കല് പരിശോധന പരാജയമായി എന്നാണ് റിപ്പോര്ട്ട്. ഇക്കാര്യം ലോകാരാഗ്യ സംഘടന വെബ്സൈറ്റില് വ്യക്തമാക്കിയതായും പിന്നീട് നീക്കം ചെയ്തതെന്നും അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്തു. എന്നാല് റെംഡെസിവിര് നിര്മിക്കുന്ന അമേരിക്കന് കമ്പനിയായ ഗിലീഡ് സയന്സ് പരീക്ഷണം പരാജയപ്പെട്ടെന്ന വിവരം നിഷേധിച്ചു. വെബ്സൈറ്റില് നിന്ന് നീക്കം ചെയ്ത വിവരങ്ങള് എങ്ങനെ തെളിവാകുമെന്നും പരീക്ഷണം നേട്ടമായെന്നുമാണ് അവരുടെ പ്രതികരണം. പാര്ശ്വഫലങ്ങളെ തുടര്ന്ന് ഈ മരുന്നിന്റെ പരീക്ഷണം 18 പേരില് നേരത്തെ നിര്ത്തിവച്ചിരുന്നു.
കോവിഡിനെതിരെ ലോകത്തിന്റെ വിവിധ ഭാഗങ്ങളിലായി 150 സ്ഥലങ്ങളിലാണ് വാക്സിന് പരീക്ഷണം നടത്തുന്നത്. ജര്മ്മനിയും ബ്രിട്ടണും അ്ഞ്ചു പേരില് വീതം പരീക്ഷിക്കാനാണ് അനുമതി വാങ്ങിയത്. ജര്മ്മനിയിലെ ആരോഗ്യ വിഭാഗം അധികൃതര് ആദ്യ പരീക്ഷണം നടത്താന് അനുമതി നല്കിയതായും റിപ്പോര്ട്ടുണ്ട്. അമേരിക്കയിലെ ഫെസറും വാക്സിന് വികസിപ്പിച്ചതായു റിപ്പോര്ട്ടുകള് പുറത്തുവരുന്നുണ്ട്.
