ലോക്ഡൗണ് നീട്ടിയത്തോടെ എല്ലവരും വീട്ടിലെ അന്തരീക്ഷത്തോട് പൊരുത്തപെട്ട് കൂടുത്തല് ക്രിയേറ്റിവ് ആകുകയാണ്. സിനിമ കായിക രംഗങ്ങളുള്പ്പെടെ നിരവധി മേഘലകളിലുള്ള താരങ്ങള് അവരുടെ ലോക്ഡൗണ് അനുഭവങ്ങള് സാമൂഹിക മാധ്യമങ്ങള് വഴി പങ്കുവക്കുകയാണ്. നടി അനുശ്രീ സമൂഹമാധ്യമങ്ങളില് പങ്കുവച്ച ചിത്രങ്ങളാണ് ഇപ്പോള് ശ്രദ്ധ നേടുന്നത്.
മിക്കപ്പോഴും നാടന് വേഷങ്ങളില് മാത്രം കണ്ടു വരുന്ന താരമാണ് അനുശ്രീ. ഇപ്പോഴിതാ ട്രേന്ഡിങ്ങ് മോഡേണ് വേഷത്തില് എത്തിരിക്കുന്നു. ‘ ഈ ലോക്ഡൗണ് സമയത്ത് വീട്ടുവളപ്പില് ഒരു കമുകുംഞ്ചേരി മോഡല് ഫോട്ടോഷൂട്ട്. ഫോട്ടോ എടുത്തത് മഹേഷ് ഭായി, ലെമണ് ജ്യൂസിന് കടപ്പാട് അമ്മ, മേല്നോട്ടം അച്ഛന്, ബാക്ക്ഗ്രൗണ്ടിലുള്ള വാഹനം സെറ്റ് ചെയ്തത് ചേട്ടന്, അസിസ്റ്റന്റ്സ് ചേട്ടത്തിയമ്മ, പിന്നണിയിലെ ചീത്ത വിളികള് അമ്മൂമ്മ, സുരക്ഷാ മേല്നോട്ടം പട്ടിക്കുട്ടി ജൂലി,” രസകരമായ അടിക്കുറിപ്പോടെയാണ് അനുശ്രീ ചിത്രങ്ങള് ഇന്സ്റ്റഗ്രാമില് പങ്കുവച്ചത്. ലോക്ക്ഡൗണ് കാലം അച്ഛനും അമ്മയ്ക്കും ചേട്ടനുമൊക്കെയൊപ്പം നാട്ടില് ചെലവഴിക്കുകയാണ് അനുശ്രീ. പത്തനാപുരത്തെ കമുകുംഞ്ചേരിയാണ് അനുശ്രീയുടെ വീട്.
