കൊറോണ വൈറസ് തടയാന് ഏര്പ്പെടുത്തിയ ലോക്ക്ഡൗണിനെ തുടര്ന്ന് വിവിധ മേഖലയിലുള്ളവര് വീടുകളില് നിന്നാണ് തങ്ങളുടെ കഴിവുകള് ജനങ്ങളിലേക്കെത്തിക്കുന്നത്. നടന് സുരാജ് വെഞ്ഞാറന്മൂടും ആ കാര്യത്തില് വ്യത്യസ്തനല്ല. സ്വതസിദ്ധമായ തന്റെ നര്മ്മ സംഭാഷണങ്ങളുടെ വീഡിയോ ഫെയ്സ്ബുക്കിലൂടെ പങ്കുവച്ചാണ് സുരാജ് ലോക്ക്ഡൗണ് കാലത്തും ജനങ്ങളില് ചിരിപടര്ത്തുന്നത്. ഒരു കാര്യത്തില് മാത്രമാണ് വ്യത്യാസം. ഇത്തവണ സഹപ്രവര്ത്തകരല്ല, ഭാര്യയും മകനുമാണ് ഒപ്പമുള്ളത്. സിനിമയോ സ്റ്റേജോ അല്ല, വീടാണ് വേദി.
ഭാര്യ ഫോണ് നോക്കുമ്പോള് അതിലേക്ക് എത്തിവലിഞ്ഞു നോക്കുന്ന സുരാജിനോട് മകന് അച്ഛന് എന്തിനാ അമ്മയുടെ ഫോണിലേക്ക് നോക്കുന്നത്? അച്ഛന് ഫോണില്ലേ? എന്ന് ചോദിക്കുമ്പോള് അമ്മ നോക്കുന്നത് അച്ഛന്റെ ഫോണാടാ എന്ന് സുരാജിന്റെ തകര്പ്പന് മറുപടി. ഒപ്പം ഭയമല്ല ജാഗ്രത മതി എന്ന അടിക്കുറിപ്പും സ്റ്റേ ഹോം സ്റ്റേ സെയ്ഫ് എന്ന് അടിക്കുറിപ്പും കൂടിയായതോടെ സംഭവം പൊളിച്ചെന്ന് വിഡിയോ കണ്ടവരുടെ അഭിപ്രായം. ഒരു മണിക്കൂര് കൊണ്ട് തന്നെ നിരവധിപ്പേരാണ് ഈ വിഡിയോ പങ്കുവെച്ചത്.
