കോഴിക്കോട്: സൗജന്യ റേഷന് വിതരണവുമായി ബന്ധപ്പെട്ട് തൂക്കത്തില് കൃത്രിമം നടക്കുന്നതായി പരാതികള് ലഭിക്കുന്നതായും കാര്ഡുടമകള് ഇക്കാര്യത്തില് ജാഗ്രത പാലിക്കണമെന്നും കോഴിക്കോട് ഉത്തരമേഖലാ റേഷനിംഗ് ഡെപ്യൂട്ടി കണ്ട്രോളര് അറിയിച്ചു. കാര്ഡുടമകള് ബില്ലുകള് കൃത്യമായി വാങ്ങിക്കേണ്ടതും ബില്ല് പ്രകാരമുള്ള അളവില് ഭക്ഷ്യധാന്യങ്ങള് ലഭിക്കുന്നുണ്ടെന്ന് ഉറപ്പു വരുത്തേണ്ടതുമാണ്.
വിതരണം സംബന്ധിച്ച് പിന്നീട് റേഷന് കടകളില് വിശദമായ പരിശോധന നടത്തുമെന്നും കൃത്രിമം നടത്തിയ കടയുടമകള്ക്കെതിരെ കര്ശന നടപടി ഉണ്ടാവുമെന്നും ഉത്തര മേഖലാ ഡെപ്യൂട്ടി റേഷനിംഗ് കണ്ട്രോളര് അറിയിച്ചു.
