തിരുവനന്തപുരം: ശക്തമായ നിരീക്ഷണ സംവിധാനത്തിന്റെ അഭാവമാണ് റേഷനരി കരിഞ്ചന്തയിലെത്തുന്നതിന് കാരണമെന്നും അരി കൊണ്ടുപോകുന്ന ലോറികളില്‍ ജി.പി.എസ് സംവിധാനം ഏര്‍പ്പെടുത്തിയിട്ടുണ്ടെങ്കിലും അത് പ്രവര്‍ത്തിക്കാറില്ലെന്നും ഭക്ഷ്യ, പൊതുവിതരണ വകുപ്പ് .
ലോറികളില്‍ ജി.പി.എസ് സംവിധാനം കര്‍ശനമാക്കുകയും അതു നിരീക്ഷിക്കാന്‍ സംവിധാനമൊരുക്കുമെന്നും ഭക്ഷ്യവകുപ്പ് അറിയിച്ചു. അരി എഫ്.സി.ഐ ഗോഡൗണുകളില്‍ നിന്നെടുത്ത് എന്‍.എഫ്.എസ്.എ ഗോഡൗണുകളില്‍ എത്തിക്കുന്നതും അവിടെ നിന്ന് റേഷന്‍ കടകളിലെത്തിക്കുന്നതും നിരീക്ഷിക്കും. ഏപ്രില്‍ ഒന്നുമുതല്‍ റേഷന്‍ വിതരണത്തിന്റെ ചുമതല സപ്ലൈകോയില്‍ നിന്ന് പൊതുവിതരണ വകുപ്പ് ഏറ്റെടുക്കും. അന്നുമുതല്‍ കര്‍ശന നിരീക്ഷണ സംവിധാനം ഏര്‍പ്പെടുത്തുമെന്നും വകുപ്പ് അറിയിച്ചു.
