ടോക്കിയോ: കൊറോണ വ്യാപകമായ സാഹചര്യത്തില് ടോക്കിയോ ഒളിമ്പികസ് റദ്ദാക്കിയേക്കുമെന്ന അഭ്യൂഹങ്ങള് ടോക്കിയോ ഒളിമ്പിക്സ് സംഘാടക സമിതി പ്രസിഡന്റ് യോഷിറോ മോറി തള്ളിക്കഞ്ഞു.നിലവില് ഒൡമ്പിക് റദ്ദാക്കുന്ന കാര്യം പരിഗണനയിലില്ലെന്ന് അദ്ദേഹം വാര്ത്തസമ്മേളനത്തില് പറഞ്ഞു. ടോക്കിയോ ഒളിമ്പിക്സ് വിജയകരമാക്കാനുള്ള തയ്യാറെടുപ്പുകള് നടത്തിവരുകയാണെന്ന് കഴിഞ്ഞ ദിവസം ഇന്റര് നാഷണല് ഒളിമ്പിക്സ് കമ്മിറ്റി വ്യക്തമാക്കിയിരുന്നു. ഈ വര്ഷം ജൂലൈ 24 മുതല് ആഗസ്റ്റ് ഒമ്പത് വരെയാണ് ടോക്കിയോ ഒളിമ്പിക്സ്.
ടോക്കിയോ ഒളിമ്പികസ് നേരത്തെ നിശ്ചയിച്ച പ്രകാരം നടത്തുമെന്ന് ഐഒസിയുടെ വക്താവ് മാര്ക്ക് ആഡംസ് ലുസാനെയില് പറഞ്ഞു.കൊറോണ ഭീതി നിലനില്ക്കുന്ന സാഹചര്യത്തില് ടോക്കിയോ ഒളിമ്പിക്സ് മാറ്റിവയ്ക്കാവുന്നതാണെന്ന് ജപ്പാന് ഒളിമ്പിക്സ് മന്ത്രി കഴിഞ്ഞ ദിവസം വെളിപ്പെടുത്തിയിരുന്നു.
