മോഹന്ലാല് പ്രധാനകഥാപാത്രത്തിലെത്തുന്ന മരക്കാര് ‘അറബിക്കടലിന്റെ സിംഹം’ ഫസ്റ്റ്ലുക്ക് പോസ്റ്റര് പുറത്ത്. പുതുവത്സത്തിന് ആശംസകളോടെയാണ് ചിത്രത്തിന്റെ നിര്മ്മാതാക്കളായ ആശിര്വാദ് സിനിമാസാണ് പോസ്റ്റര് പുറത്ത് വിട്ടത്. ഇന്നലെ പുലര്ച്ചെ 12 മണിക്കാണ് വിതരണക്കാര് തങ്ങളുടെ ഫേസ്ബുക്ക് പേജുവഴി ചിത്രം പങ്കുവച്ചത്.
കുതിര പുറത്ത് രൗദ്രഭാവത്തില് പായുന്ന മോഹന്ലാലിനെ ഫസ്റ്റ്ലുക്ക് പോസ്റ്റര് കാണാം. തനിക്കൊപ്പം ഒടിഅടുക്കുന്ന മറ്റു പടയാളികളും പോസ്റ്ററി വ്യക്തമാണ്. ഇതിനു പുറമെ മോഹന്ലാല് സ്വന്തം കൈപടയിലെഴുതിയ പുതുവത്സര ആശംസകളും പോസ്റ്ററില് കാണാം. തന്റെ ഹൃദയത്തോട് ഏറെ ചേര്ന്നുനില്ക്കുന്ന ചിത്രമാണിതെന്ന് മോഹന്ലാല് പോസ്റ്ററില് കുറിച്ചിരിക്കുന്നു.
മോഹന്ലാല്-പ്രിയദര്ശന് കൂട്ടുകെട്ടില് ഒരുങ്ങുന്ന ഈ ചിത്രം അഞ്ച് ഭാഷയിലായിയാണ് പുറത്തിറങ്ങുന്നത്. അമ്പതിലേറെ രാജ്യങ്ങളില് 5000 സ്ക്രീനുകളിലാണ് മരക്കാര് പ്രദര്ശനത്തിനൊരുങ്ങുന്ന്ത്. അഞ്ചു ഭാഷകളില് ആയി അമ്പതില് അധികം രാജ്യങ്ങളില് റിലീസ് ചെയ്യുന്ന ആദ്യ മലയാള ചിത്രവും കൂടിയാവും മരക്കാര്. അതേസമയം കേരളത്തിലെ 90 ശതമാനം തീയറ്ററിലും ചിത്രത്തിന്റെ ആദ്യ ദിന പ്രദര്ശനമുണ്ടാകും. ഇതിനോടകം തന്നെ അഞ്ഞൂറോളം സ്ക്രീനുകള് കേരളത്തില് ചാര്ട്ട് ചെയ്ത് കഴിഞ്ഞെന്നാണ് വിവരം.
മോഹന്ലാല് കുഞ്ഞാലി മരക്കാരായി വേഷമിടുന്ന ചിത്രത്തിന്റെ തിരക്കഥ എഴുത്തിയിരിക്കുന്നത് പ്രിയദര്ശനും, അനി, ഐ വി ശശിയും സംയുക്തമായിട്ടാണ്. മോഹന്ലാലിന് പുറമെ, പ്രണവ് മോഹന്ലാല്, പ്രഭു, അര്ജുന്, ഫാസില്, സുനില് ഷെട്ടി, മഞ്ജു വാര്യര്, കീര്ത്തി സുരേഷ്, കല്യാണി പ്രിയദര്ശന്, നെടുമുടി വേണു, മുകേഷ്, സിദ്ദിഖ്, രഞ്ജി പണിക്കര്, ഹരീഷ് പേരടി തുടങ്ങിയ വമ്പന് താരനിരയും ചിത്രത്തിന്റെ പ്രത്യേകതകളില് ഒന്നാണ്.
മാര്ച്ച് 26ന് റിലീസിനൊരുങ്ങുന്ന ചിത്രത്തിന് വിഎഫ്എക്സ് ഒരുക്കുക മാര്വെല് സിനിമകള്ക്ക് വിഎഫ്എക്സ് ഒരുക്കിയ അനിബ്രയിന് ആണ്. ലോക സിനിമയിലെ തന്നെ പല വമ്പന് സിനിമകള്ക്കും വിഎഫ്എക്സ് ഒരുക്കിയിട്ടുള്ളവരാണ് അനിബ്രയിന്. മാര്വെല് സിനിമകളുടെ ഗാര്ഡിയന് ഓഫ് ഗ്യാലക്സി, ഡോക്ടര് സ്ട്രെയിഞ്ച് എന്നീ സിനിമകളക്ക് പുറമെ കിങ്സ്മെന്, നൗ യൂ സീ മീ 2 എന്നീ ചിത്രങ്ങള്ക്കായും ഇവരാണ് വി.എഫ്.എക്സ് ഒരുക്കിയത്.
ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് ചിത്രത്തിന്റെ നിര്മാണം. ഡോക്ടര് റോയ്, സന്തോഷ് ടി കുരുവിള എന്നിവര് സഹനിര്മാതാക്കളാണ്. ഛായാഗ്രഹണം എസ്. തിരുനാവുകരസുവാണ്. എഡിറ്റിംഗ് എം.എസ്. അയ്യപ്പന് നായര്. സംഗീതം റോണി റാഫേല്. പാട്ടുകള്ക്ക് വരികള് എഴുതിയിരിക്കുന്നത് പ്രഭാവര്മ്മ, ഹരിനാരായണന്, ഷാഫി കൊല്ലം എന്നിവരാണ്. പശ്ചാത്തലസംഗീതം അങ്കിത് സൂരി, യെല് ഇവാന്സ് റോഡര്, രാഹുല് രാജ് എന്നിവര് ചേര്ന്നാണ്. ആക്ഷന് കൊറിയോഗ്രഫി ചെയ്തിരിക്കുന്നത് ത്യാഗരാജന്, കസു നെഡ, സംരത് മംഗ്പുത് എന്നിവര് ചേര്ന്നാണ്.
